عشتك وهم

[poem=font="Al Moharib Anbopi Ibrahim,6,purple,bold,italic" bkcolor="transparent" bkimage="http://www.alhowaitat.net/mwaextraedit2/backgrounds/12.gif" border="none,4," type=0 line=0 align=center use=ex num="0,black""]
لاتعتذر قلبي تعود على الصد=ياللي جزمت ورجعتك مستحيله
مايخدعنا اللي تبارن على الخد=ياما اتخذت دموع عينك وسيله
روحي وخلي ماوجب هد ينهد=وابني على انقاض حلمي خميله
ازريت ادور لك عذر واحفظ الود=على مدى حلم السنين الجميله
ارضي غرورك واتحملك واستد=تخطي واسامح والخطا ترجعي له
كنتي شتات وضمتك راحة اليد=تبعثري من كف ماتنتمي له
عشتك وهم في ما مضى شدني شد=واليوم صرحي في غرورك تشيله
اطوي عنا مايفضحه مانع السد=في قلب شيال الحمول الثقيله
وان ضاق صدري من سبايبك واحتد=اصبر ولي في كل صبري حصيله
مبطي تجاهلت الخطا واكتم الرد=اجود وانتي في وصالك بخيله
حارت شفاهك بالمعاذير واشتد=حبلن وهن واشوف قطعه فضيله
طبعك كذا مايمنعك يالغضي حد= تتبع هواك وكل برقن تخيله
جيتي وهم كنت اتحرى معه جد=مزحه تعاطتها القلوب الهبيله
واليوم دام انك احتجبتي ورا السد=سد تشيد من مشاعر قتيله
مافيه داعي وقفة الند للند=خلي انسحابك في هدوء المخيله
وان كان ماضينا طويته ولابد=ارحل وانا صبر الرجال ارتكي له
ياما رحل قبلك غوالي ولا كد=قلبن جلد وانتي بحسبة دخيله
[/poem]