الاشجار..

الاشجار ماتحيى والعروق .. يباس
والجسم ماتستره غير... الهدومي
ضايق ولا ودي من الناس.. جلاس
فرحي ذهاب وكل حزني ..قدومي
قصرت خطاوينا قبل شربة.. الكاس
ضميان والطرقه طويله.. وسمومي
ياوجد حالي وجد غرقان وبالانفاس
يقاوم لجل يعيش موجن.. لطومي
على زمانن فات ما..فيه..هوجاس
وسماي مال الهم فيها .. غيومي
اليوم ادور مثل مهلهل.. لجساس
على الذي للحق ماهو.... كتومي
الطيب بحرن ماله حدود.. و قياس
ما كل رجالن بوسطه.. يعومي
ومن عس ستر الناس يجيه عساس
ويبين ستره بين ليله.. و.. يومي
بعض العرب له وقفتن تبعد الياس
والبعض وقفاته تزيدك.. همومي

الله مااجمل هذا البوح الصادق
كلمات تفوح بعطر الأصاله ومعاني النخوه
في هذه القصيده لايهمني معناها بقدر مااعجبني مافيها من تصوير رائع وجمال التوظيف
بكل صدق قصيده جميله ولامست احساسي فأواااه عندما يصرخ اليتيم فلن نقراءإلا مثل هذه الكلمات
أتمنى منك المزيد وابقى بخير0

كل الشكر اميره .. مرورك ورايك اسعدني ..تحيااتي للجميع.