البرد لهفة شوق والليل ساكن
وانا تشفقت اللقاء واحتريتك
الله عطاني اياك واصبحت واكن
على الله اني لا بغيتك لقيتك
مومن بما يكتب لي الله ولكن
بليت نفسي فيك عشق وبليتك
تغيب وعيوني عليك يتباكن
لو انك تسقيني الوصل ما ارتويتك
خليت حسرات الزمان يتراكن
بين الرجاء والياس ليتك وليتك
داويت جرحمن قسى الوقت ماكن
والا فتعطيني ربع ما عطيتك
وخليت ناقلت الهروج يتحاكن
ومن كثر ما اجحد احسبني نسيتك
ما شفت قلبي والعيون يتشاكن
اغير منهم من كثر ما هويتك
سريت لك مشتاق والليل داكن
يستر ظلامه وقفتي عند بيتك
تقول حبك بين الاضلاع راكن
واقول هذا اللي ذبحني وجيتك
سمعتني محمد يغني الاماكن)
واسمعك واحشني موت وفديتك
البــــرد
العرض العادي
