الزول زوله ....... والحلايـا حلايـاه
هذه القصيدة لـــ إمرأة كانت زوجة لــــــــ (وديد بن عروج ) شيخ قبيلة بني لام قبل
اكثر من 300 عام , وكان شجاعا مغوارا يشد به الظهر ........... وقتل في احدى المعارك .
بعد وفاته تزوجت هذه المرأه من أخيه ,
ولكنه لم يكن مثل زوجها الراحل كان كسولا ركن للراحه .........
فكتبت هذه القصيدة تتذكر فعائل زوجها السابق ,
وقد استثاره البيت الأخير منها
فغزا وكسب حتى قالت فيه قصيدة أخرى تمدحه وكأنها تعتذر عن ذلك
البيت الذي صـار الآن مضرباََ للأمثال وسبباََ لشهرة هذه القصيدة.
يالله يا عايد علـى كـل مظمـاه
يا محيي الأرض الهشيم المحايـل
أنت الكريم ورحمتك مـا نسينـاه
تروف باللـي دوم عينـه تخايـل
تلطف بمن لكـن عينـه مـداواه
اللـي بقلبـه حمايـات الملايـل
ألوج مثل ايوب من عظـم بلـواه
واسهر الى ما يصبح النجم زايـل
على حبيبِِ كل ما قلت ابا انسـاه
لذكره تفطني من الهجـن حايـل
الى نسيتـه ذكرتنـي بطريـاه .
شيبِِ ظهر من عاصيات الجدايـل
يلتاع قلبي كل ما اذكـر سوايـاه
كما يلوع الطيـر شبـك الحبايـل
لا واحبيبي سبعة سنيـن فرقـاه
عليه أنـا قصيـت كـل الجدايـل
لا واحبيبي يتلف الهجن ممشـاه
الى بغى لـه نيتـه مـا يسايـل
لا واحبيبي يرعب الهجـن بغنـاه
من كثر ما يوحيه ليـل وقوايـل
لا واحبيبـي كـل قـومِِ تنصـاه
تلقـى ربوعـه طيبيـن القبايـل
لا واحبيبي تدفق السمـن يمنـاه
ياما ذبح مابيـن كبـشِِ وحايـل
لا واحبيبـي وافيـاتِِ سجـايـاه
عليه غضـات الصبايـا غلايـل
لا واحبيبـي دوم للعفـن متقـاه
يامـا كلنـه مدمجـات الفتايـل
لا واحبيبـي بـيـن ذولا وذولاه
خلـي بوجـه معدليـن الدبايـل
لا واحبيبي طـاح يـوم الملاقـاه
بنحور غليا فوق قـب السلايـل
لا واحبيبي طير شلـوى تعشـاه
قطاعة المهجة سناعيـس حايـل
يا عارفين ((وديد)) يا طول هجراه
يا ليتني بوديد مـا ابغـى بدايـل
أخذت اخوه ابي عوض ذاك من ذاه
والبيت واحد من كبـار الحمايـل
عندي مثيلـه واحـدِِ كنـه ايـاه
عليه من توصيف خلـي مثايـل
الزول زوله .. والحلايـا حلايـاه
والفعل ما هو فعل وافي الخصايل
منقول منقول
الزول زوله ....... والحلايـا حلايـاه
العرض المتطور
