طــعـنات الـزمــن

[poem=font="Simplified Arabic*6*black*normal*normal" bkcolor="transparent" bkimage="" border="none*4*gray" type=2 line=0 align=center use=ex num="0*black"]
لارخصتني ماعـاد باقـي بقايـا=لي في خفوق اهل الغرام وغواليه

بجبر عزا نفسي واشـد المطايـا=مالي هوى في الدار لاصد غاليـه

وبصبر على دنيا تزيـد بعنايـا=واغلق ملفات الغـلا والمشاريـه

يمكن مـع الايـام بلقـا دوايـا=وجرحًٍٍِ بقلبي يمكن الوقت يبريـه

وبحفظ غلاك اللي مسوي سوايـا=داخل خفوقـي ماتهـدم مبانيـه

لان الوفا منـي وعايـش معايـا=انا الوفي اللي زمانه غـدر فيـه

وليا حفظت الود مابغـا وصايـا=لوجار وقتي عادتي فـي تحديـه

واعد طعنات الزمـن لـي هدايـا=اصبر على طعنة زماني ولااشكيه

ولو شان وقتي ماتشين النوايـا=لو الزمن سـارت تغيـر مباديـه

بس انـت لاقفيـت مالـي بقايـا=في نجد واللي ساكنين براضيـه [/poem]


الشاعر القدير /عايد ربيع الفحيماني