%%لــوعــه وحــرمان%%

[poem=font="Arabic Transparent*6*black*normal*normal" bkcolor="transparent" bkimage="" border="none*4*gray" type=2 line=0 align=center use=ex num="0*black"]
هات القلم ياصاح واكتب على البوك عنوان=ابنسج بيوتاً جديده واعزز رمدها
ضاقت بي الدنيا وانا كنت طربان=من هاجساً بالقلب صدم روحي ولهدها
سبة حبيباً طلع بآخر الوقت خوان=ضيع حياتي ولاظن أحداً وجدها
كنت احسبه نصفي الثاني بهيكل أنسان=من كبر المحبه اللي له قلبي حصدها
وكنت احسبه غالي وأصدق الخلان=وراهن العالم بصدق حبه وزودها
بدليله القاطع يوم يحلف بالأديان= أني حبيبه لين ترحل حياته للخالق ويتغمدها
لاشك حصل شي ماتوقعته على الحسبان=انقلبت الآيه فوق تحت وقام ومهدها
ضاع العهد منه ولاكن صار شياً وكان=نسى عهوده اللي على دينه عهدها
سار يتغلى ويكذب بتالي الأزمان=وغير طريقه ونفسه على الكذب عودها
وانصدم قلبي من تصاريفه وأصبحت حيران=من أكبر مصيبه قلبي في حياته شهدها
ولاعتني الدنيا وكثر الهواجيس يا فلان=كلاً مستريح بدنيته وأنا أحارب نكدها
مدري شقى مني يوم سرت هايم ولهان=في حب ناساً غريبه ذبحني وددها
والا مكتوب لي مع الوقت لوعه وحرمان=أجمع الحان قلبي وتندفن في لحدها
والا مقسوم اعيش بدنيتي جريحاً وتعبان=أداوي جروح قلبي ويجي من يجددها
مالي سواء المقسوم أن شان وان زان=لاكن بوعد النفس ولزوم انفذ وعدها
ابعتبر مافات من الدلائل لمستقبلي برهان= والحر يستفيد من الأخطاء اللي غيره تكبدها
وياصاح طبع البشر كله اليوم خربان= الناس تمشي لطريق الشر بجهدها
قليل من يحفظ السر بالقلب كتمان=وقليل من يصون الأمانه وبالقلب يخمدها
يهمهم علم الخفى ويقوموا له أعوان=هذا اللي زهق روحي وهذا اللي زهدها
الا اللي حفظ دينه ودستوره القرآن= أنشهد انه عن الخير نفسه ما حسدها
وياكثر مانصادف ناساً تنكر العرفان=النذاله تمشي بدمه وش ترجي بعدها
وياكثر مانشوف بالشوارع صبيه وصبيان=لاشك ماتعرف منهي أمه ومنهو ولدها
ويالله طالبك تمدني بالصبر والسلون=يارافع سبع السموات بليى عمدها
وصلو على نبينا محمد في كل الأحيان=أصدق من الصادق بكل كلمه نشدها[/poem]

أرجوا ان تنال هذهِ الأبيات البسيطه على أرتقاء تذوقكم..

ولامانع من ابداء الملاحظات لأني مؤمن بأن هناك الكثير من الصقطات ألتي يراها الشاعر
او المتذوق الذي يود ان يمسك بيدي ألى بر الأمان

اخوكم /عبدالله الموسي