بيــان من الحويــطات ( شعر)

[poem=font="Arial,6,,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
الطيب من كايد الغايات = ما ينشرى بالريالاتي

لو كان بالهرج و النيات = أقفى به أهل الدعاياتي

مدفون في عجة الغارات = و حمر المضاريب به تاتي

ما زلّ عن ربعي السادات = و كل الحويطات ساداتي

ما بين نار الكرم بالذات = و ما بين نار الرصاصاتي

صاروا لطيب البدو شارات = و حازوا رفيع العلاماتي

و إن كان ما تِقبل الهرجات = من دون صك و شهاداتي

كزّ الركاب الأصيلات = للمرتعد و الرمالاتي

وإنشد عن مجابه الهيّات = أتراكها و الفرنجاتي

و للشمس من يطلب الإثبات = إلاّ القلوب العميّاتي

حيّيت يا قايد الحملات = عوده زعيم الزعاماتي

الصقر لا حام بالقنّات = هو حام بين المجرّاتي

تاريخ يدرس بكليّات = في صفحة المستحيلاتي

مشهور كنّه عقب ما مات = أستغفر الله ما ماتي

ذكره بكل الفضائيّات = و إجتاز كل المحيطاتي

فرسانه اللي لهم صولات = ما نكّسوا يوم راياتي

و إن كان بعض البشر تفتات = لا حل ذكر الحويطاتي

يتعب ركابه على الطولات = طيب العرب تو ما فاتي

ومن ثلبنا له غدا مشهاة = وأصبح مع إبليس متواتي

لا شك في مفرقة طعنات = من السنين الخليّاتي

أو باقيٍ عندنا خلفات = من ذود ربعه سليباتي

ما همنا لسعة النحلات = و أهل العزوم الرديّاتي

ولا ودّنا نبعث النعرات = الله حكم بالمساواتي

كل القبايل لهم وقفات = وقت السنين الشديداتي

ومعي و لو تكثر الطلْبات = حجة على كل وقفاتي

بالكذب ما جاري الكذبات = وبالصدق تصعب مجاراتي

وصلّوا على تالي الآيات = خاتم جميع الرسالاتي[/poem]