بيض الأيادي

البارحة في عاليات المراقيب
من ضيقتي ضاقت علي البلادِ



المسعد اللي لو تعوزه مطاليب
ينخى حسابه ما يدُور و ينادي


لا قل مالك صار ما لك صواحيب
و أقرابك الأدنين صاروا بعادِ


و أشدّ ما يشناك من خالي الجيب
عجزك عن إمكافاة بيض الأيادي


لا جاك قرم ٍ قام لك في مواجيب
قدّم لك الحسنى و بالجود جادِ


يرجي برادك يوم جته اللواهيب
و لزرعته يبغى يشوف الحصادِ


عنده تمنّى لاجل ما تخفي العيب
إنك بها مدفون تحت الحمادِ
ِ
و يالله يا فكّاك عسر التناشيب
إنك من الأيام تقضي مرادي


لا طالبن فلّة و لا طالبن جيب
إمرادي إمكافاة بيض الأيادي