الي الرواه

قراْة هذه القصيده ومعها قصة معركة ابوعمود التي حصلة بين الحويطات والشرارات
وذكر ان عوده ابوتايه ارسل هذه الابيات الي حمد الفحل الشراري ورده عليه بالقصيده التي تلي هذه الابيات
ياراكبًـا مـن عندنـا فــوق ثنتـيـن
يــم الفـحـل مطخـيـاتًـا شـمـامـي
لا يالفحل يلي منزلك بين طورين
وربعك عليهم ارقط الريش حامي
حمد الفحل يقول

1ياركـب اللـي حفلـت بالغـوى الزيــن ** ومن ساس هجن(ن) محصنات(ن) همامي
2 بنـت الوضيحـا بنّكـوهـا المشقـيـن ** ترثـة صعيـدي ماعليـهـا تهـامـي
3 لون القطـاه وان طالعـت نـادر العيـن ** لاخـف ريشـه فـز قلـبـه وزامــي
4 تلفـي لبوتـايـه زبــون المجنـيـن ** وتجـي بيـوت مسيحـيـن الايـدامـي
5 ريـف الهجافـا والضعـوف المساكيـن ** وريف الهبـوش الـي تـدور الطعامـي
6 والكل منهـم قاسـي(ن) مابـه الليـن ** للضيـف حلويـن النـبـا والمقـامـي
7 مير سلم على عودة شبيـه ابـو حديـن ** بالـودة(ن) مابـي حـديـدة لحـامـي
8 وقل والله كانك مسلـم(ن) تقبـل الديـن** وحيـاة مـن زاروه سـبـع الامـامـي
9 ان هـاذي منازلنـا وحنـا صديقـيـن ** مـن قبـل حربـك يابوتايـه بعـامـي
10 وابـوك نـزل غربينـا بيـن شطبيـن ** والقيـض والمربـاع مـابـه مـلامـي
11 مير أستادب ياعوده ترى الناس وزنيـن ** والحـق عنـد الله وعــدل المقـامـي
12 وليا طغت نفسـك تعـوذ مـن الشيـن ** اللي رمـى ربعـي تـراه الـك رامـي
13 وهـاذي مـرام عيالنـا قبـل مبطيـن ** واللـي منـا ومنكـم غـدى للرحامـي
14 وعلى اللي غدى مانـوي اقـول ياسيـن ** لاصارمايـعـزل سمـيـن الصنـامـي
15 وبالعايلـه ذبحـوا عيـال الشعالـيـن ** والفايـز اللـي جمعهـم مـا يـرامـي
16 مير عقب الطغى صرتوا رجال(ن) لغيّين ** وراع اللغا يصبـح مـع الخلـق دامـي
17 ميـر نستـد بالمربـوع ماهوبرطليـن ** معـك المهـل ماهـي تلملـم ولامــي
18 جبـت الحجايـا والهقيـش النقيـيـن ** وسربـة خضيـر وصاكيـن اللثـامـي
19 ولميـت سبـع جمـوع ماهـم قليليـن ** وردوا علـى ربعـي وربعـي مظامـي
20 ربعي سطـام الحـرب عنـد البعاريـن ** الـى اختلـط عـج الرمـك للكتـامـي
21 وخمس الطعش من غاليـات المثاميـن ** من جال ربعـي لـون قشـع الخيامـي
22 ودغمـان هـو والعبـد عينتهـم ويـن ** غزيـت رجمـه بـي مدحـى النعامـي
23 وصبيـح طـاح وراح بيـن القبيلـيـن ** وفـارق عشيـره عقـب لـذ المنامـي
24 وهدّا عليـه الطيـر مرخـي الجناحيـن ** وفـارق فـراق ابـوك عقـب الليامـي
25 وذبـح الثلاثـه والثـمـان المسمـيـن ** وابـو فتنـه اللـي وراكـم يحـامـي
26 وقول الفحـل مهـو كـذوب ولا شيـن ** منـزل مشاتيهـن عليـكـم حـرامـي
27 ميراليـوم لوهبـت عليكـم شميطـيـن** تريدون مشتان(ن) عن الصقـع حامـي
28 واسنـاد حومـل والدحـل والجداعيـن ** وبابواغضـى تلقـون عالـي وطامـي
29 ياشيب عينك كـان هبـت مـن العيـن ** تكـب ثلـج(ن) مـن سحابـاً ردامــي
30 واستغفـر الله عقـب شـوط وشوطيـن ** يلعـب علـى روس الرجاجيـل وامـي
31 مير تزبـن حسمـا لايجـوك الفراعيـن** ياكلـن مـن شـوك الوعـر والعدامـي
32 وادعوا منا زلكم وعـر غربـي العيـن** ولا تسهل المظهـور مـع درب شامـي
33 ليمـا يفيضـون الطوقـه العزيـزيـن ** وبضفهـم سحـي الذريحـي ونـامـي
34 ميـر الحمـد لله ماربـعـوي قليلـيـن ** وبالكثريـشـدون الـجـراد التهـامـي
35 وكم راس شيخ(ن) قوطروا بيه ضاريـن** ولهـم بحالـك تحـت جـرف هدامـي
36 ماشفـت الأحيـوات هـم والترابـيـن ** بالجفر روؤس شيـوخ لـون القرامـي
37 وجازي هو ويا ابوه عندك وفـاء ديـن ** نسل مـن ايديـن الشيـوخ العضامـي
38 لوربعـك كثـار(ن) وربعـي شويـيـن ** يهجون عـن ربعـي هجيـج النعامـي
39 مير لابدلك من عركة(ن) عقـب يوميـن ** يبـعـد بيـهـا نـاقـلات العـلامـي
40 ولابـد ماتـعـرض لطـلابـة الـديـن ** ويهفـي بهاختـم الرجـح بالاسـامـي
41 يجنـك شعـل(ن) كنهـن الشياهـيـن ** يعجلـن رد ايـدك لـكـف الحـزامـي
42 ولو معك تسع اطـلاق بـروح ياشيـن** عداك ضـرب السيـف عنهـن شمامـي
43 والله لـو لحقـوك عيـال الضباعـيـن ** مايفرحـن بـك ذابــلات الوشـامـي
44 والله لولحـقـوك عـيـال الدعاجـيـن ** وعيال العـزام اللـي لربعـك خزامـي
45 ماتنثنـي بظهورهـن خاطـرك زيــن ** وتُرمـى لضبـع الضاحكيـه طعـامـي
46 ولوجاك أخو كسبـه صعـوط المجانيـن ** عقـب الطمـع بـدلـت بالانهـزامـي
47 وتنـذر لجـدك يـوم تسلـم جزوريـن ** وتيّـس لشـوف اخوانكـم والعمـامـي

اتمنى من من يستطيع جلب قصة هذه القصيده الحقيقيه لانني عندما قراتها في ملتقى القبائل العربيه شكية بمصداقية القصه من الذي رواها..

اهلا بك اخي نزاف المشاعر وشكرا لنقلك للقصيدة وان شاء الله تجد الاجابة ممن عنده دراية بهذه القصيدة أو من الآتي الأخير بارك الله فيك وشكرااا لك


تحياااتي