قصيدة رفيع الشوامين!!

[poem=font="Arial,6,black,normal,normal" bkcolor="transparent" bkimage="" border="groove,1,red" type=2 line=1 align=center use=ex num="0,black""]
انا بدوي يابنت وهامـتي كلـها فــوق= ولا فيه يوم فيه نزلــت راســي
لادقيت علـى فطــيم يوديكي الســوق= انا لي في خبوت ضربه مماسـي
كيــفي الدلــه ومخـاوى فطــر الـــنوق= في ديرة مابـها خلايق وناســـي
بن اليـمن ماهــو بني ولاقــيل محــروق=وبهارها قايسينه النشامى قياسي
فنـجالها مركــزيكــوي براسي فتــوق= هي خمري و كيفي يابنيه وكاسـي
وخيال مزن يرعــد على الخبــت وبروق= من قو برقه تقول فيه التمـاسي
وعوا ذيب يبـــدي من عالـي الطـوق=ويجاوبه نجــر لجروحـي يواســي
بدوي لو انــام مقوي والصــبح مريوق= ماتغــير مزاجــي يابنــيه وباســي
بدوي لو وجهـي كلها خدشــات وطقوق= يكفيني الشـــرف وعـندي حساسـي
بدو بدو يابنــت مــن قبــل فاروق= ولنا مواقــف واخــتلاف سـياسي
نبذة حياة وضحــتها عـن طبع مخلـوق= لاجل مايصير في الوضع التباسـي
وقولي تخلـف وقولي يابــنت مطفـوق= والله انـي كمـاالدبغ ثـابت وراسـي
بين طبعي وطبــعك اختـلافات وفروق= بالرغم انك مـن الخلايـق وناسـي
جبتي سادس بالضرب والطق والـسوق= وناجـحه فـي دور ثـاني دراسـي
تظني الحضارة جنز على الساق مشقوق= مفصلينه على اضيق واقصر مقاسي
خالفتي الدين كـله والطــبع والذوق= روحي مالكي عندي بالمواني مراسي
عساك تلقا لك مـن المخاليق معـشـوق= خـــكري يـده بالغره دايـم تواسـي
يشــبهك بالشـكل واللبــس واللــوق= فرقـه عنــك فيـه ســتة حواسـي
انا بدوي يابنت وهامتي دايم فــوق= وشـرواك مايـساوي والله مداسـي[/poem]

للشاعر/رفيع الشوامين