يــــــــــــــارب

[poem=font=",6,blue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يارب انا جيتك وكلي خطايا=مستغفر لذنبي وانا كلي ذنوب
استغفرك مما كسبت بيدايا=ومما مشيته من متاهات ودروب
ومما عملته من كثير البلايا=ومما اعتراني من عذاريب وعيوب
ياعالم ٍ سر الأمور الخفايا=لو كان في ليل ٍ عن الناس محجوب
تغفر لعبدك يوم حشر البرايا=وميزان عدلك للمخاليق منصوب
في يوم تفصل فيه كل القضايا=فصل القضا مابين طالب ومطلوب
في ساعة ٍ فيها الخلايق عرايا=في موقف ٍ مافيه من يلبس الثوب
ولقيت كل الي تركته ورايا=بكتاب قدامي مسجل ومكتوب
امسجله بكتاب حتى النوايا=ياقدرت الله كل مافات محسوب
وجوني بها الميقاف كل اغرمايا=والي لهم حق ٍ ولو كان يادوب
واصحابي الغالين صاروا اعدايا=ماكني من اول مقرّب ومحبوب
فيما مضى ربعي واعز اخويايا=واليوم كل ٍ يطلب الحق من صوب
من عقب كانوا بالوناسه معايا=أيام كنا نقتفي كل رعبوب
اليوم كل ٍ يطلب الله جزايا=وانا بها الميقاف خايف ومرعوب
أخاف يومر بي ويطول شقايا=ويصبح لي الغسلين ماكل ومشروب
محد ٍ بسامع غير ربي بكايا=اليا استوى جلدي من النار والشوب
يارب لاتقطع بعفوك رجايا=ياشامل بعفوك مخاليق وشعوب
تشملني بعفوك وتجبر عزايا=وتعينني قدام لاموت واتوب


فهد الحويطي
[/poem]