يمه تعبت اركض عبث في عالمٍ كله جحود
اطرد ورا حلمٍ بعيد اشقيت نفسي في رجاه
يمه احسب ان البشر مثلك حنان بلا حدود
وان الزمن صدرٍ حنون يضمني لاقلت آه
يمه انا في داخلي يسكن طفل هادي ودود
انتي حياته كلها ودنيته وارضه وسماه
يمه تعبت ارسم امل يمه تعبت ارسم ورود
يمه ازعجني الطفل في داخلي اسمع بكاه
يمه تعبت بدنيتي ..دنيا ملامحها برود
دنيا تسير بلا هدف متشتته بكل اتجاه
يمه همومي كايده تعزف على لحن الخلود
يمه انا صوره لحزن طال الزمان وما نساه
يمه انا عنوان قصه مالها اية وجود
يمه انا جرح المكابر اللي يموت وما شكاه
يمه انا هذا انا تكفين دمعك لايزود
يمه دموعك غاليه والكون مايسوى حصاه
يمــــــه .... تعبــت
العرض الشجري