جروح الذاكــــــــــــره 00

[poem=font=",6,blue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
ياجرح يالي بقلبي منت ناوي تطيب=وان طبت ياجرح ماتطلع من الذاكره
كنك موصّى على قلبي وصاة الصحيب=في كل ليله تجي للقلب وتذاكره
وان جيت ابا اسلى تعالا لليالي نحيب=كنه جميل ٍ مسويته وانا ناكره
واصبر وازرفل مع الايام زرفال ذيب=وتحد قلبي هموم الوقت وتجاكره
ماهو غريب الزمان يدور بس الغريب=ياقف على حال وامسه ينتخي باكره
أهيّل الجرح من شانه واكب السريب=فنجال كيف ٍ على نار الجفا حاكره
وارهيت حتى غدى له بالحنايا دبيب=ولا حامد الله على هذا ولا شاكره
واليا رميت الهموم وذكرها بالقليب=تطلع بدلو الليال السود والماكره
الله يغربلك ياوجه الزمان الكئيب=العمر روّح وانا من هيبته فاكره
والجرح باقي ولا فاد الدوى والطبيب=وان فاد يبقى معي فالبال والذاكره
[/poem]