يا حزومي

يا حزومي لا شبحتك ما أشوف حزومي
ارفعيني لين اضم الغيمه المركومه

فوق عيطا ما دهلها ولا رقاها البومي
كود حر ٍ بتع كفه من طويل كمومه

يا ولد نبَه على عود العيال همومي
لا يقرب لحيتي للدله الملغومه

أخشرانا خسَرونا يا هرقل الرومي
لا تبيع سيوف جدك لا فرقت السومه

عادة الرجال يخسر في سبيل القومي
وانت كفو ٍ والرجل بالضيق ملو اهدومه

صب فنجال المشيخه يا غناة علومي
لا يهمك رايهم بالقصه المزعومه

لج ضلع الذيب يوم ٍ ما عرفت النومي
والإحيمر تاه في ليل الغسق وعتومه

يا عضيدي باق ٍ في ربعك الزيزومي
قص ساق الجيه اللي ما تجيب علومه

العديم اللي يتل السبق لين الحومي
تل سبقه قبل لا تظهر عليه البومه

الفتى من طيب ساسه ماخذ المقسومي
طيب جده مع خواله للآبته وعمومه

والله اني لو رهنت النفس فوق هدومي
ما أمد إيدي لرجل ٍ شوفته مشوؤمه

ذي عزومك ما تشيل اللي بربع عزومي
لا قسم بالله عمرك ما تذوق نعومه

عارف ٍ درب المراجل فالروتين اليومي
فاهم ٍ كل الشعائر يا بطارك رومه

من هدمت اللآت شعت بالظلام نجومي
حصحص الحق المخبى قسمة ٍ مقسومه

ومن بذرت الطيب فاحت ريحة القيصومي
وامطرت سحب ٍ على هالرمضه المحرومه

صعب جدا ً تستريثك فزعة المهزومي
وش عليك من الدروز وحربها المهزومه

لو نفكر ما برينا شلفة الشغمومي
للدروز اللي نعاركها بجال الدومه

استريحوا يا جماعه صعب ( بيع سلومي)
ما ابيعك في سبيل العالم المعدومه

الشمالي في طباعه ما يحب اللومي
وبيض الله وجه رجل ٍ ناقته موسومه

والله انها كيف ماجت تنختم بختومي
دعوتك يافلان أبدا ً سهلة ٍ مفهومه

الكلاب اللي تنابح ما تحش لحومي
عارف ٍ حقد الحريم اليا بغن ....

الطريق السهل ما يحتاج بيده يومي
إيه احب طويق واعشق طلته وحزومه

حكمتي في الوقت ( أغنم طيبات علومي )
أحقر الحقران و آطا للزمان خشومه