الفطاحله

مدخل

كني اشوف الشعر مكسور كاحله
من يجبره للتصفيات وندائها



فلسفه شعريه


لاشك من راد العسل في مناحله
يجمع ورود السدر قبل انحنائها

بعض المشاعر بالقراطيس قاحله
امحول ٍ قفر ٍ تحت خط استوائها

ينمو الشعر ويشيب بآخر مراحله
لين القصيده تحتضر في ردائها

الشعر ذوق وفن عند الفطاحله
مثل الموسيقى عزفها وانتشائها

والشاعر اللي شربته من قراحله
يوازن بيوته ويحكم بنائها

واشوف لي شُعّار بالشعر داحله
بديت احاربها واشكّ ابولائها

وحد ٍ يجيب ابيات لكن راحله
واحد ٍ يجيب ابيات يسمع ثنائها

الشعر مركب والمشاعر سواحله
وشُعّارنا بالفكر صعب التقائها


مخرج

يجوز للشاعر وطبعا ً مباح له
جمله معانيها تفسّر غبائها