يبن صلهام

اشوف الحسافه في عيونك وعض ابهام
طلبتك تجاهلهم ونفسك اتبردها

تسج القدم لفلان وافلان حقل الغام
حذاري من المقفين حذرا تعاودها

بخصت الرجال وطلت منهم هديب الشام
عزومه على كسب المراجل يسندها

ينومس يشرف باللوازم يشد احزام
ونفسه لفعل الخير كنه مجندها

رجال ٍ تكرَمها على شان ناس اكرام
ورجال ٍ لحاها بالرزاله اتسودها

رجال ٍ تفدّاها ولو تنحكم بعدام
ورجال ٍ ولا يمكن بحاله اتفندها

رجال ٍ توزّنها ويله اتجيب اغرام
ورجال ٍ صعب جدا ً بوزن ٍ تحددها

رجال ٍ تقدّرها ولا هم بوجه احشام
ورجال ٍ تبديها على النفس واتودها

رجال ٍ تسايسها كأنك تقود اخطام
ورجال ٍ ترى من هالسياسه إتبعدها

رجال ٍ تسد وباللوازم تجيك اشمام
ورجال ٍ مع الفنجال صعب ٍ تقندها

رجال ٍ لها هيبه وتُحكم بسمر لثام
ورجال ٍ خوافيها اتبين اذا اتحدها

فكل الرجال اغصون تورق يبن صلهام
شفايا المراجل للثنايا تجردها

تحزم معك لين الثنادي ولا تنضام
تجرب معادنها وتكسب فوايدها

ودور على احصان الاطاليب والدلهام
عزومه قويه ابك منهو يقيدها ؟

وسجل حضور عناد ابصم ولا تنلام
إلى شفت روس اطويق ارقا وسندها

علي الحلال الناس صارت بدون ازمام
تصيد بماء ٍ عكر ليما تصيدها

وخلك طبيعي بين سلمك والد اخصام
سياسة حبالك ترتخي يوم واتشدها

وسيع الطعنه وش اقول وش اسوي ابلشتني

وياهلا فيك :واعرف كيف أتيت الى هنا

وهنا وهناك تختلف العقول والمفاهيم

قصيدك مختلف ولايختلف على شاعريتك اثنين

اخي لاتحرمنا من الراي والمشوره

فقداسة القلم وسمو الفكر والادب يحتم علينا

السير الى القمه (يد بيد)أمتعتني بهذه الرائعه

اخي نديم الشمال

صبحت بالخير

انت رجل مبنى ومعنى

لفهمك النص

يسعدني تواجدك

والله يجملنا

وسيع الطعنه
دائما جزل بمواضيعك ادامك الله وسدد على طريق الخير خطاك