عبدالعزيز بن فهد 00

[align=justify]هذه القصيده كانت مشاركةً مني في مسابقه شعريه قامت بنشرها مجلة اصداف 00 ومحور هذه المسابقه هو مدح الامير عبدالعزيز بن فهد خاصه فيما يتعلق بجانبه الانساني تجاه المرضى00 وكان من ضمن شروط المسابقه ان لاتزيد القصيده عن اثني عشر بيتا [/align]

[poem=font=",6,indigo,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]

تخير اسمه يوم شافه وناداه=فهد العرب من بين كل الأسامي
عبدالعزيز الي على ابوه سمّاه=المجد له في كل الاحوال سامي
عز الله انه يرفع الراس طرياه=اليا انذكر فعل الزعيم القطامي
جبر الكسير الي زمانه توطاه=ريف الضعيف الي يشد الحزامي
والمسعد الي لا ادبر الوقت يلقاه=ومن شاف بعيونه يصدّق كلامي
زبن الفقير الي من الضيق ينصاه=خطر ٍ من الضيقه يدوس الحرامي
أعطاه مايكفي من المال واغناه=عن مسألة غيره ثمانين عامي
كنه غمام ٍ تشرب الناس من ماه=من طيب مدّاته ( سميّ الغمامي)
كم واحد ٍ يشكي من قصور بكلاه=ومن الألم صارت حياته ظلامي
سهران ليله بالتنهـّات والآه=والعين جافاها لذيذ المنامي
قام امتعافي من عطا فيض يمناه=مبسوط والصحه على مايرامي
واليا سجد يبكي ويدعي له الله=يجزاه بالجنه وحسن الختامي

[/poem]