الحمايل

[poem=font=",6,darkred,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

(غيور الطبع والسبع المثايـل=حدتني شرق يم جبال حايـل
اجاملهـا اعييهـا ولاقــدر=بدمي جاريه وسـط النحايـل
والامني رفعت الـراس فيهـا=صرخ كل البشر قالـو مثايـل
كثير الناس يعشقهـا عشاقـه=ووقت الخوف تظهر فالهوايل
جميله فاتنـه يـا وي فتنـه=سحر هاروت منها هو نهايـل
اعظم شانها لو هي صغيـره=واعدل ميلها لو كـان مايـل
واعلمها وهي تبقى بجهلهـا=دعوها قالها صافي الحمايل؟)
وانا روحي فدا للـي اسرنـي=ابوخدن ورمشـن دوم سايـل
اذا ناضت كما مهـره اصيلـه=تضيع امهارها مابـه اصايـل
لها شعرن سواد الليـل لونـه=يغطينـي اذا مالبـرد هايـل
حنان الروح في لحظة وجوده=وفكري والوعي ادبـر وفايـل
ابتغزل مـدام القلـب اخضـر=وخل اللي قصيده كالمصايـل
يرقعهـا ولـكـن ماتـرقـع=طويل شقاق مالك بالطوايـل
وانا قافـي الا منـي نظمتـه=نهض كل العرب قالو جزايـل
ولاني زايـدن عالبيـت هـذا=ولاني مادحن نفسـي جمايـل
ولكن بنصح اللي يسمعونـي=ترى خلق الرجل زين الخصايل
تواضع مع جميع الناس تسعد=تفوز بحبهـم والشـر زايـل
تعاتبني واعاتب مـن تعاتـب=ولا جاب العتـاب الا الرزايـل
سوالف بيننـا تبقـى بمحبـه=وانا شايل وبكره انت شايـل [/poem]