يا اللي وقعت بنظرتك ما توقّعت
ضرب العيون أشد من ضربة السيف
خفف على قلبٍ ملكته ومكَنت
طعن ٍ كما طعن السلال المراهيف
لولا الشماتة كان لطعونك أعلنت
لاشك عذال الشماتة مواقيف
حبك بحر وأنا غريق ٍ توهقت
والوصل مركب والمشاعر مجاديف
وإن كان ما للشوق بالوصل حرّكت
وألا اندفن حب القلوب المواليف
وإذا انهدم حب ٍ بنيناه في صمت
في وقتها ما عاد ينفع تحاسيف
ما تدري إني يوم ودعتك أمنت
حبك وراء حدب الضلوع المهاديف
داخل خفوق ٍ في معاليقه أسكنت
صريح حب ٍ ما يخالطه تزييف
إن كان يا الغالي ذكرت وتنبهت
ترى الهوى ما هو بلعب وسواليف
فأسرع بوصل اللي له اضنيت وأتعبت
يطرد سرابك والمواعيد تساويف
الوصل معناه انك بِيديك وصّلت
شريان حب أهل القلوب الملاهيف
ياللي وقعت بنظرتك
العرض العادي
