قصة وقصيدة صنيتان التبيناوي في الحويطات

ملاحظة : القصيدة ذكرت في الموقع ولكن لم تذكر القصة (والقصة قصيرة):

صنيتان التبيناوي من عبده من شمر شاعر مبدع نفاه بن رشيد بعد مصادرة ابله وعددها 81 من الابل وبتر يده اليمنى والله اعلم بالاسباب وله قصيدة يقول فيها:-

يا الله يلي عايشينن برجواه
.............. مدك ولا مد الادين البخايل

يامهدي المسلم على امور دنياه
............ يامعطي الجنه جزيل الفضايل

قمت اتحرى مزنه زبرة ماه
........... هتانها احيا مرمسات المسايل

ومخيلة من قرنة الغرب منشاه
............. تمطر على جبه وضلعان حايل

ويانجد كن عفنا مقره ومرعاه
...... ما هي على دور اجدود اهلنا الاوايل

بعته بترك ولا التفت له ولا اشهاه
...........ولو ينبت النوار فوق الخمايل

قطعت يدي ياصبيح وانا اتحلاه
............ من واحد سيفه على نجد طايل

لاناشدن عني ولا حقي اداه
................ولا راحلٍ عني ولاهو مسايل

لا صار مالي حيلة بالمثاره
............. مالي بديره بها الحق مايل

مديت للي للمخاليق مكداه
...........عن الشمرين وحرب وعيال وايل

اب اتمشا مع اعيال الحويطاه
.............ودي اقاصر جايبين النفايل

كم هجمتن مصباح عودة ابممساه
........... كسبه من القطعان ماهي شخايل

من طاح لازم سبق الخيل تاطاه
.......... صاحن عليه معثكلات الجدايل


نقل للافادة .

الله يرحمهم ويغفر لهم ويجعل مثواهم الجنة امين / كانوا وسيبقون رمز النخوة والوفى و المعزة ، اخوي حمود بارك الله فيك .