خسـارة الحب..مــــاتستاهــل أختــــارك
خســـارة أغـليك..وأثني عزّتي دونك
من آخر الجرح جيتك..هاك تذكارك
آخر قــصيدة..كتبها الجرح لعيونك
غـرورك اللي رقى بك..فـــوق مقدارك
انا اطلب الله يــجــي له يــــوم..ويـخـونك
@@@
أنــا أول اللـي حــيّاك..وهـــام بأشـــعارك
وأنا آخـــر اللي يـمـــــوت لاجل يــحــيّونك
مليت أنا أرضى بجفاك.وبارد أعذارك
مــــليت أمـــــد النـظـر..وتهينه غبــــونك
مصير وقتك يــبـــور..وتذبل أزهـــارك
ومصير كــل الجـــروح الحمر ينســـونك
@@@
اليوم يا الجـــــرح..والله لآخذ بـثــارك
وأســـقـيك مـن دم قلبٍ خــيـّب ظـنـــونك
خلّه ترى اللي حصــــل من لـعنة أقـــدارك
وإرحل مع اللي يـحــبك وصل..ويصونك
وما جيت أبنشد عن الهجران وأخبارك
جيتك أبســألك بعــد الجرح وشــلونك؟
@@@
إنعزلت وقلت أدور للمواجـع ذي نهايـه
كل ما قلت أنتهيها صرت أنا أرجع وأبتديها
أبتديهـا بـس والله ماهـي بأيـة بـدايـه
مثل طعم الموت لأجتاحك وقلبك راح فيها
دامها همٍ بهـم بهـم قلّـي وش ورايـه؟؟
خلني بدرهم همومـي وأعايشهـا وأعيهـا
@@@
لاتشفق يابعد روحي علـى حـزة لقايـه
اللقا بنـتٍ أمـام الغبـن مكتوفـه يديهـا
شايبي مات وتركني عقب موته في شقايـه
بس قلبي ريحة هدومـه وربـي مانسيهـا
شايبي أخذه نذير المـوت ماقـدر بكايـه
أخذه بعز إحتياجي يوم رجعتـه أحتريهـا
@@@
غيبته هدت مفاهيم الأمـل داخـل حشايـه
والدروب اللي بليا نظـرة عيونـه مابيهـا
كلما مرت طيوفه قلـت ياربـي عسايـه
أتجاوز لحظة فراقه أو أصبـر وأحتويهـا
والوجع لامر طيفه ضاقت بعينـي سمايـه
وإخنقتني عبرةٍ تلهـب فـؤادي وأنكويهـا
@@@
لاتساومني على النسيان تطمع فـي وفايـه
ماعلي النذر أنا أوفي غير لدروبٍ يجيهـا
يامحطات المواجع..ياهمومـي ..ياعنايـه
ياليال الدمـع الأحمر..ياعيـونٍ مشتقيهـا
لاتحاول تكشف المستور تبحث عن غلايه
لاتحاول تستثير جروحي وتزعـل عليهـا
خلني بأرجـع أدورللمواجـع بـي نهايـه
كل مالاحت لعيني غصب عنهـا تبتديهـا
خساره الحب ماتستاهل أختارك
رد: خساره الحب ماتستاهل أختارك
العرض العادي
