كم واحد للطيب يشعب جماله

يامل قلب كل ماقلت داله
إنه يذكرني بشرهات وحقوق
ياقلبي ياقلب الخطا والجهاله
لاتحسب إني بايع الطيب بالسوق
والله وحق اللي عزيز جلاله
لأتعب وراه وكل مطرود ملحوق
مادام راسي عايشن يادلاله
تف على الدنيا وتف على العوق
كم واحد للطيب يشعب جماله
يسوقهن للطيب والمرجلة سوق
وكم واحد يقول مالي وماله
بينه وبين الطيب باب ومغلوق
رجل بلا عز محا الله حلاله
لصار ما ياخذ مع العز طاروق
هو يحسب إنه ينفعه كثر ماله
لابد ما يصبح عن المال مفروق
المال زينة للحياة ومناله
لصار يمناك به سخي ومرزوق
إلى اجتمع دين وحكم وعدالة
ويمنى كريمة تعطي المال مدفوق
هذي حلاة للرجال وكماله
طيب يذكر به ولا عيشة العوق
الطيب عز للرجال وشكاله
ولا الردى يحتال به راعي البوق
والله ما أترك كل طيب وجماله
الا الروح صاعدة للولي فوق
والرزق عند اللي قوية حباله
الواحد اللي رازق كل مخلوق


الشاعر مطلق العودة

المال زينة للحياة ومناله
لصار يمناك به سخي ومرزوق
إلى اجتمع دين وحكم وعدالة
ويمنى كريمة تعطي المال مدفوق
هذي حلاة للرجال وكماله
طيب يذكر به ولا عيشة العوق

صح لسان الشاعر مطلق العوده
وتسلم يد الناقل على ماتحفنا به
من جزاله ومعنى.

قصيدة رائعة بمعانيها الجميلة سلمت يداك والدتي الحبيبة

كم واحد للطيب يشعب جماله
يسوقهن للطيب والمرجلة سوق

صح لسان الشاعر
تسلمين "اخت النشامى "
دمتِ بود

صح لسان الشاعر على الجزله ومافيك حيله بعد ما قريت

وتسلم يد ناقلها لأبداعنا بهذه الرائعه وياليت تمتعينا بكل جديد لهذا الشاعر اختي

كل الووود...

ياقلبي ياقلب الخطا والجهاله
لاتحسب إني بايع الطيب بالسوق
والله وحق اللي عزيز جلاله
لأتعب وراه وكل مطرود ملحوق
/
كلمات روعة صح لسان الشاعر ..
إستمتعت بقراءتها أخت انشامى تسلمي ..