يـاصـــاحبـي

ياصاحبي واللي ورى ضيقة البـال
له يمكن أكثر من سنه فـي مكانـه
أزريت لاآقوله وهو صعـب ينقـال
والأصعب اكثر لو تركتـه وشانـه
الصمت وافي لكن المشكلـه طـال
وأن طوّل اكثر بـ.. أعتبرها خيانه
الى متى وأنا على نفس هـ.. الحال
ان جاد صوتي قلت ماهوب أوانـه!
مليت اداري خطـر النـاس الأزوال
حتى ملت صدري جـروح الميانـه
ياصاحبي فـي ذمتـي ودي أحتـال
على جروحي لكن ! , (الشعر أمانه)
ألقـاه غيـر إذا تسـاون الاقـوال
ويلقاني الضلع ان سعوا في طمانـه
اذا كتبتـه أشعـر ان التعـب زال
واذا قرانـي نـال قـدر ومكـانـه
وانا التعب فيني من الجـال للجـال
يكبـر ويبقـى طيشـه وعنفوانـه
هذي سنه وأنـا مجاهيـم الأنـذال
تدك صدري , بين جهـل ولعانـه
ياقلهـم وقـت الشدايـد والأهـوال
وياكثرهم وقـت الرخـاء والليانـه
أطيبهم اللي لا غدت صلف وثقـال
حملي على متنـي وحملـه وزانـه
الله يعـدل ميلـة الحـال لا مــال
والله يجنبـنـي دروب الهـوانـه
ياصاحبي صبرك عليّ , تو مـازال
عندي كلام , و ودي أطلق عنانـه
انا اذكر اني قلـت ياطيـب الفـال
كلمه لها في صدري اليـوم خانـه
(طاح الشجر ولا بقى حولي ظـلال
الا ظلالي يجرح الشمـس شانـه)
ياصاحبي واللي ورى ضيقة البـال
اللي له أكثر من سنه فـي مكانـه
الارض ضاقت وأنكرت وجه رجـال
غريب لكن , غربته عن زمانـه!!