عودت حالي

[poem=font=",6,chocolate,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
عودت حالي كل ماضاق بالي=أطرّد الضيقات روس المراقيب
وخص لاهب الذعيذع شمالي=وجابت الشملا معاها رعابيب
أشوف عسرات الليالي عدالي=ويزوح هم يعلمة عالم الغيب
من يوم ماطاحت علينا الظلالي=ضيوفنا بالظل صارت معازيب
يومن تخالط جدها والهزالي=حنا نعرف ونعزل الشب والشيب
ونعرف خوافي ماضيات الليالي=ونعرف اللي حاضنتة المكاتيب
وسلام لرجال الحميدات غالي=شيوخ قوم ويعرفون المواجيب
شيوخ قوم بمبتداهم وتالي=وفي ذراهم يشبع النمر والذيب
قومي الحميدات والراس عالي=نسل الذي تنخاه عكف الاشانيب
وفيهم هويمل صحيب الدلالي=ولقبوه ربوعنا والاجانيب
راع البريق اللي مفوح وغالي=ومشرع بيتة على العز والطيب
نارة بصعبات الليالي تلالي=وبوسط ديوانة لباقة وترتيب
وخصمنا ماناخذة بالجدالي=وياما طردنا خصمنا بالمشاعيب
بعض العرب في قولتة مايبالي=ويقوّّّل القولات بالشك والريب
أيكف هو جالة وانا اكف جالي=للعبة بالشعر والقاف تلعيب
قادر على خوض المعارك لحالي=ولاني بحاجة لأستعانة وتدريب
وخل الملالا بالبشر يالملالي=العد عد ولاتقارنة بالشيب
صار الرخيص بدوجة الأمن غالي=وساقت الحشيان صارت مناويب
بوقتنا الحالي جبال ثقالي=وذكرنا بأول كما المسك والطيب
مثل العلم راس الطويلة يلالي=ويرف يوم انها تهب الهباهيب
ولاهو قصور في كثير الرجالي=ولا فية مخلوق بليا عذاريب
اقول قولي منطقي وارتجالي=ولا اخفي القولات وسط السراديب
وصلاة ربي عد ماعد سالي=واعداد ماسار القلم بالمكاتيب
على نبي الله حميد الخصالي=أعداد ماتطلع لنا الشمس وتغيب[/poem]