قصيده موجهه للشاعر ’’صالح ابو خليل الطقيقي’’

سلام من طيبه معطر بالايمان

لابو خليل ومن يعزه ويغليه

اقول لاتحزن على كائن كان

والامر في ايد اللي يميته ويحييه

انته جمل وابرك مبارك بليهان

الشايب اللي يرفع الراس طاريه

جيله مضى كله ومن بعده ازمان

وحنا نسولف في تاريخه وماضيه

خلك بحر والبحر له كون وكيان

جزره ومده والله اللي ممشيه

ومن صاحبك عشان دنياك شيطان

وانته بعيد عن الردى ماتسويه

لاتكون مني ياابيض الوجه حرجان

انا اعرف المعدن رخيصه وغاليه

وانته وانا ومن غيرنا ناس شجعان

لو زهد عنده ماده غير يفنيه

وانا انتفضت وقمت كني كحيلان

من فضل ربي ميت القش يسقيه

اللي يسوق الغيث ع كل الاوطان

ويفوح ريح الربل في وسط واديه

والله يثبتنا على كل ميـــــــــــزان

يوم نهار العرض والكل يرجيه

وتحية مني والصدق برهان

للي استمع شعري وعلى النت قاريه




شاعر العمران:فرج بن محيسن العمراني