نعم بدو ( والف نعم بالبدو )

[poem=font="Simplified Arabic*5*black*normal*normal" bkcolor="transparent" bkimage="backgrounds/27.gif" border="none*4*darkblue" type=0 line=0 align=center use=ex num="0*black"]
يابنـت ردي ياعنـود القواصـيـد=ردي سـلام المبتـلـي لاتـصـدي
رد التحيـه وافيـه ياتلـع الجـيـد=لتحـيـة الاســلام يابـنـت ردي
يابنت انـا هايـم ومغـرم ولاهيـد=انتـي مـن الخفـرات يابنـت ودي
من يوم شفتك وانـا حالـي تناكيـد=وحاربت انا يابنـت نـوم المخـدي
كل يوم عندك فـي دوامـك تراديـد=ابغي لو بسمه من شفاتـك تسـدي
خمسة عشر يوم ٍ وانا حولك مسيـد=في كل درب ٍ انطحـك بـه تصـدي
مديت لـك ام الشحـم مـدي الايـد=عطني يمينك ياريش العيـن مـدي
قالت ترا مسختهـا ياسمـك عبيـد=قلـت انـا علـي ياعذابـي وبـدي
قالت هاذي اسامي ربعكم جعل ماتفيد= وش تبي من يابـدوي لـي تـودي
قلت انا هايم فـي جمالـك ولاحيـد=وهاذي يميني ياتلـع الجيـد شـدي
قامت تناظر من تحت فوق وتعيد=قالت لي اسمع كان جبينـك اينـدي
انتـم بـدو انتـم حثالـه جلاميـد=انتم دبش انتـم حـوش مستهـدي
انتم بـدو انتـم انجـوس ومقاريـد=مانته كفوا تلمـس ايدينـك بيـدي
انتم همـج انتـم حثالـه مشاريـد=انته كفـوا تلمـس يدينـك بخـدي
انتم رعاع الشعـب انتـم مطاريـد=انتم جهـل فـي مستواكـم تـردي
قلت اسمعي يابنت قاصـر وتوكيـد=اسمعـي ردي يالعنـود استـعـدي
ماعقب هاذي شي والعلـم كالحيـد= لانتي ولا اهلـك يالجميلـه بنـدي
ملعون ابو حب ٍ يجـي فيـه تنكيـد=وملعون ابو جـدك وحبـك ايلـدي
انتي جذبنـي لـك جمالـك بتحديـد =والزين واجـد بالبلـد لـو تعـدي
واللي مايثمن هرجته فيـه تشديـد=انتـي غلطتـي يالجميلـه وسـدي
وانا حبالـي طايلـه وبيـدي القيـد= وابي اكوي قلبك في مردي وجـدي
انتم عفون اخساس طبع اورعاديـد=مخلفـات شعـوب مالكـم سنـدي
انتم جنوس هيوس ربعـك مقاليـد=رجالكـم مثـل الخونـدات عنـدي
لاصل ٍ ولا فصـل ٍ حثالـه هلاميـد=مخلفات شعـوب هنـدي وسنـدي
ابا العن والد والـدك واخـذ اعيـد=جيتـي بحلقـي لقمـة ٍ ماتسـدي
نعم بدو حنـا بـدو مجـد ٍ مشيـد=حنـا قضبنـا سلمنـا نستـمـدي
حنا هل التوحيـد حنـا لكـم سيـد=حنا الشـرع الله نصـون اونبـدي
حنـا قبايـل للفعـايـل عوامـيـد=حنـا جبـال الارض ولهـا وتـدي
حنا بـدو نرحـل اوننـزل ولانهيـد= نتبع مطرهـا والحيـا لـه نشـدي
حنـا نزلنـا نفـدهـا والجلامـيـد=حنـا معيشـة سبعهـا لـه نكـدي
حنا الكرم حنـا الشجاعـه مواريـد= نارد على حيـاض المنايـا انعـدي
حنا حمـاة اديارنـا مرتـع الغيـد= حنا هل العشـق العفيـف المشـدي
حنا اكعـام المعتـدي لـه ملاهيـد= حنـا حمـاة الـدار عنهـا نصـدي
حنا الوفا حنا السخا وهل الصيد=حنا الشهامه المن نخانـا نهـدي
حنا هـل الـردات يـوم المعاويـد=يوم القبايل فـي صـراع اوتحـدي
حنا هل البل نطوي من فوقها البيـد=نشرب لبنها ومن وبرهـا انسـدي
حنا بـدو حنـا قصصنـا سراميـد=حنـا تاريـخ ٍ يستمـد او يـمـدي
حنا حشرناكم على السيـف ترديـد=حنا وطينـا خشومكـم لـه نهـدي
حنـا حكمناكـم بخشـم البـواريـد=حنا وطينا روسكـم عصـر جـدي
لاعاد يـوم ٍ جابنـي لـك ولاعيـد =ولي حليمـه جعـل قربـك ايلـدي
نعم بـدو بدو بدو ياتلـع الجيـد= وملعون ابو عشق ٍ لفابـك ابحـدي[/poem]