شاعر يحضر زواج حبيبته ويلقي قصيدة للعريس

شاعر يحضر زواج حبيبته ويلقي قصيدة للعريس - جريء بجد (من أروع ماقرأت)


مــســاء الــخـيـــر..



هذه قصيده وجهها عاشق لعريس عشيقته ليله الزفاف ما رأي المقبلين على الزواج لو كان احدهم مكان هذا العريس ؟ ووجد هذا العاشق يلقي القصيدة امامه في قاعه العرس؟

اقدم عدة احتمالات
1-الطلاق
2- سحب مسدس وقتله_ولا اظن احدا يحمل مسدسا في مثل هذه الليله
3-ينزل ويجلسه مكانه





دعونا من الإحتمالات وخلونا بهالقصيدة الرائعة المؤثرة بالفعل ؛ التي تجبرك على قراءتها للنهاية ..

وإن شاء الله تحوز على رضاكم ..








أبد .. ما جيت أبارك ولكن جيـت باوصّيـك

على الله ناوي ٍ تدخل بهـا الليلـه .. مُعذّبْتـي




ترى لولا الظروف اللي عطتْك وحدّت محاكيك

قسم بالله ما تدخـل عليهـا لـو علـى رْقبْتـي




ولكنّ النصيب اقوى ولا ادري ويش اسوّي فيك

نعم .. صارت معزّبتك .. ولا صارت معزّبْتي




كذا شاءت بنا الأقدار تحرمني لأجـل تعطيـك

كذا لازم عشان تفوز إنت .. أخسـر بتجربْتـي




تراها غاليه جـداً .. وتكفـى .. والله يخليـك

تـدللها .. تدلعهـا .. تنسّيـهـا مصاحبْـتـي




أنا من كثر ما اغليها أحس اني بديـت اغليـك

ولا تسـأل بأيّـة حـق ولا ّ وش مناسبْـتـي




لإنك لو بتسألني بتسمع شـيء مـا يرضيـك

لـذا ياخـوي لا تسـأل ولا تسمـع لأجوبْتـي




أبيك تحطها في داخل عيونـك وبيـن ايديـك

وهي دلوعه اعتـادت علـى كثـرة مداعبْتـي




فداعبها شوي شوي حتـى تشتهـي طاريـك

وشاغبها إليـن تقـول لـك: بطّـل مشاغبْتـي




واذا هي مالها خلقك..ولا تضحك ولا تسلّيـك

تحمّلها وإسألهـا: يـا عمـري ليـه عصّبْتـي




وبالك اسمع انّك يوم تضربها وهـي تشكيـك

ما يحتاج اورّي لـك بفـن الضـرب موهبْتـي




صحيح انك بتملكها ومعك العقد بالتمليـك

وانا عارف حـدود الله ومـن حقـك معاقبْتـي




ولكن قلّها المجنـون وصّانـي وهـو يعنيـك

يقـول انّـه بينتظـرك ولـو شيّـب وشيّبْتـي




وانا مجنونها اللي ما نساها وانت مـا يمديـك

تغطّي ذكرياتي في هواهـا.. وربْـع تجربْتـي




أحس اني تماديت بكلامي.. والغضب حاديـك

ولو انّك في مكاني مـا تفكّـر في محاسبْتي




كفاك اني تركت الليله اشغالي عشـان اجيـك

دخلت القاعه برجلي ولا ادري ويش عاقبْتـي




انا ما جيت اخرّب عرسك الليلـه ولا آذّيـك

أنا جيتك عشان اخاطبـك واسمـع مخاطبْتـي




توصّى..وانتبه..واحرص عليهـا والله يهنّيـك

ترى كل الكلام اللي طلَع مـن ضيقـيَ وكبْتـي




ولكن ما قدرت انّي أقوله وانـت مـا يخفيـك

أخـاف انّـي إذا قلتـه تقـوم وتقطـع رقبتي

[align=center]صح لسآنه ...بس هذا جآي يخرب عليهآ العرس ..بس حركته حلوه هههه يقول القصيده ويطلقهآ ذآك ويتزوجهآ هو ..؟!




ملكة الليل .. نقلتي فـ ابدعتي لاهنتي ..[/align]

قصيييييييييييييييييده رااااااااااااااااااااااااااااائعه جدا نقل رااااائع


ومن الحب ما قتل

تقديري لك

صح لسان قايلها وسلمت يد ناقلها
مشكووووووووره اختي ملكة الليل
مروري واحترامي

شـكــ وبارك الله فيك ـــرا لك ... لك مني أجمل تحية .