%%خــلانــي أكـــتـــب الشعر %% - الشبكة العامة لقبائل الحويطات

04-05-08, 02:28 AM

[poem=font="Simplified Arabic*6*black*normal*italic" bkcolor="transparent" bkimage="" border="none*4*gray" type=2 line=1 align=center use=ex num="0*black"]
لي حبيباً كل ماشتقت نفسي أناديه=ودي أنه بوقت الشوق يكون قدامي
ودي أحضنه على صدري وامسك بياديه=واحط كفي على خده واحرك بهامي
واناظر بوجهه واركز نظرتي فيه=أبيه يحس بشي فيني حرك اقلامي
خلاني أكتب الشعر من أجله واغنيه=وارسم صورته واقول ذا فارس أحلامي
سميته حبيبي ليش؟لأني حيل بغليه=ومن غلاته حصل على تاج الأسامي
نفسي آخذ من دم قلبي شوي واعطيه=لويصبح الجرح بعده على طول دامي
ماعندي ولافيني شي بيغلا عليه=أغلى مأملكه دم قلبي لجله عدامي
كم تمنيت أني أبن عمه والا أخيه= قد ماتمنيت اروي كبود المضامي
أن قصدني بصوته قلت بالحال لبيه=آمر تدلل وش تبي ياغاية مرامي
ولو يطلب المستحيل لأجل عينه أسويه=وش عاد لو يطلب أحلا كلامي
علي.... لاقول ذا لساني وخذيه=وزوداً عليه خذي شوقي واحترامي
من يبي يعاندك جعل القدر يمحيه=لو تقولين ليش؟لقول لأنه حرامي
وعزي لمن زلت دروبه عن خطاويه=يشبه باللي من تصاريف وقته أنضامي
واكبر مصيبه بالزمن لو تدرون وشيه=يمكن تتركون الحب وتربون الحمامي
الحب غبة بحر وبعيده موانيه=عجز فيه قبلنا اهل العقول الفهامي
كم واحد عاف وقته من كثرت بلاويه=وغرد مع طيفه وسار حزنه وسامي[/poem]
أرجــو ان ترتقي هذهِ الكلمات الأبيات البسيطه الى رقي تذوقكم..

أخوكم/عبدالله الموسي

عبدالله الموسي · 04-05-08, 02:36 AM

صح لسانك اخ عبد الله
بكل ما تعنيه الكلمة رائعة هذه المذهبة التي تفيض بالشعر و المشاعر و العذوبة و الجزالة
دمت مبدعا و شفافا
لك تحياتي

عبدالله الموسي · 04-05-08, 02:36 AM

صح لسانك ابو عابد

وان شاء الله ربنا يجمعك مع اللي تحب

تقبل مروري

وننتظر المزيد

عبدالله الموسي · 04-05-08, 02:42 AM

اقتباس:

المشاركة الأصلية كتبت بواسطة الآتي الأخير

صح لسانك اخ عبد الله
بكل ما تعنيه الكلمة رائعة هذه المذهبة التي تفيض بالشعر و المشاعر و العذوبة و الجزالة
دمت مبدعا و شفافا
لك تحياتي

أستاذي الغالي الآتي

مروركـ أعذب وأجزل من كل حرف صطره قلمي..

وصح بدنك

تحيتي

عبدالله الموسي · 04-05-08, 02:45 AM

اقتباس:

المشاركة الأصلية كتبت بواسطة محمد الحامدي

صح لسانك ابو عابد

وان شاء الله ربنا يجمعك مع اللي تحب

تقبل مروري

وننتظر المزيد

شكراً لكـ يالحامدي على مروركـ الذي أنار صفحتي..

((يقال عن الشعار بأنهم يهيمون في كل وآد... وغالباً ما يقولون مالا يفعلون))

وانا مستشعر حديثاً ومتمسك بهالمقوله..

تحيتي

عبدالله الموسي · 04-05-08, 02:46 AM

صح لسانك يا استاذ عبدالله والله مانبي نزيد المواجع ولا ارسلنا للك الرد تتسهل الامور والله يعين

عبدالله الموسي · 04-05-08, 03:08 AM

اقتباس:

المشاركة الأصلية كتبت بواسطة ابو هيثم

صح لسانك يا استاذ عبدالله والله مانبي نزيد المواجع ولا ارسلنا للك الرد تتسهل الامور والله يعين

صح بدنك اخوي ابو هيثم

ومرورك أضاف لمشاركتي وسام افتخر به..

وياليت ترسل لي الرد...

والمواجع لاعنها

وين تبي تروح عن صواديف الزمن..

لك خالص الحب والتقدير

عبدالله الموسي · 04-05-08, 05:36 AM

خلاني أكتب الشعر من أجلـه واغنيـه
وارسم صورته واقول ذا فارس أحلامي
سميته حبيبي ليش؟لأنـي حيـل بغليـه
ومن غلاته حصل على تـاج الأسامـي

اخي عبد الله

كلماااااااات راااااااائعة وفيها ابدااااااااع ومشاعر صادقة جمعك الله قريبا مع من تحب ووفقك الله لما يحب ويرضى

عبدالله الموسي · 04-05-08, 10:11 AM

أختي الفاضله مسلمه...

باركـ الله في مروركـ واطرائك..

سيدة المكان

تحيتي

عبدالله الموسي · 04-05-08, 02:52 PM

آآآآآآآآآآآآآآآآآه ياعبدالله لامست جروحا قد اندملت واحييت حنينا كان قد ماتا
وشوقا يخفق في قلب صالح
بكل صراحه وبدون مجامله قصيده جميله رائعه

صح لسانك مدد بلاحد وعدد

لاتوفي الكلمات في الوصف ( والله ليست مجامله)

وهذا البيت من اروع ماقراءت في حياتي

[poem= font="Simplified Arabic*5*black*normal*normal" bkcolor="transparent" bkimage="" border="none*4*gray" type=2 line=0 align=center use=ex num="0*black"]
ودي أحضنه على صدري وامسك بياديه=واحط كفي على خده واحـرك بهامـي[/poem]

جو رائع ملبد بغيوم الحب والرومنسيه

عبدالله الموسي · 05-05-08, 05:31 AM

أخوي الذيب الشمالي

صح حالكـ وترحالكـ

أسعدني مروركـ وثنائك

وانت بلا شك ممن أنتظر مرورهم على ما أطرحه

ولك كل الشكر والتقدير

تحيتي

عبدالله الموسي · 05-05-08, 12:56 PM

صح لسانك يا ابو عابد

والله أبيات جزله ولافيها تقصير

الله يحنن قلوب المحبين على بعض

ولا تدري الله يزيد قلب من تحبه قساوه تدريه ليه ؟؟

عشانه خلاك تعزف على وتر القصيد

وحط لك بصمه موزونه القافيه

مشكور يالذيب ولاهنت

عبدالله الموسي · 05-05-08, 06:57 PM

شكراً لمروركـ أخوي بعيد الهقاوي..

وتصدق أن تشجيعك وثنائك على القصيده...

يعتبر دفع أساسي لمعانقة القلم والشعر..

أكثر من اي سبب آخر

تحيتي

عبدالله الموسي · 05-05-08, 07:09 PM

صح لسانك اخوي عبدالله

دائماً تحب التميز

مبدع اخوي عبدالله

فالك التوفيق

تقبل مروري

عبدالله الموسي · 05-05-08, 07:18 PM

مشكور على مرورك يالذيباني

وصح بدنك يالغالي..

والأبداع تواجدكـ ومروركـ المثمر.

تحيتي لشخصك الكريم

ودمت لنا

عبدالله الموسي · 05-05-08, 07:44 PM

صح لسانك اخي عبد الله ، حقا، انت مبدع

عبدالله الموسي · 06-05-08, 12:38 AM

صح لسانك اخوى

ونص متميز وراقى

ابدعت فى تسطيرة اخي

لك اعذب وارق تحية

الشهاب

عبدالله الموسي · 06-05-08, 12:46 AM

اقتباس:

المشاركة الأصلية كتبت بواسطة عبد الكريم الجازي

صح لسانك اخي عبد الله ، حقا، انت مبدع

شهادتك

فخر وأعتزاز أفتخر بها

تحيتي

عبدالله الموسي · 06-05-08, 12:47 AM

اقتباس:

المشاركة الأصلية كتبت بواسطة الشهاب

صح لسانك اخوى

ونص متميز وراقى

ابدعت فى تسطيرة اخي

لك اعذب وارق تحية

الشهاب

الرقي في مروركـ

وأبداعك في متابعتك وما تبذله من مجهود في خدمة الموقع

تفبل مني اصدق وأعذب عبارات الشكر

عبدالله الموسي · 06-05-08, 12:55 AM

[align=center]صح السانك ويستاهل الغالي

والى الامام عبدالله............

تحياتي[/align]

الذين يشاهدون محتوى الموضوع الآن : 1 ( الأعضاء 0 والزوار 1)