بنااات مخفاااات هع هع

كيفية ترقيم بعض بنات المنتديات المخفات




البنت الي مسويه نفسها ثقيله وماتعطي وجه :
هذي من اسهل الانواع النباتيه قصدي البناتيه ماعليك غير تصكها على مخها برساله خاصه تمشي مليون كيلو متر بالساعه تكتب بالرساله مرحبا خالد تصدق اني مليت من المنتدى وساعته ( يعني كانك اخطيت بالرساله ) راح تقرا الرساله وترد عليك اخوي انت غلطان انا مو خالد ( يعني ذكيه ) قلها يؤ اسف كان بنفسي ارسل لخالد صديقي لكن حصل خير كم رقم تلفونك راح تقولك الرقم

البنت الي مسويه نفسها رومنسيه لدرجه :
هذي لو هي كتبت نكته رد عليها وقولها صاحبة القلم الشفاف
ايتها الرقيقه الممتلئه بالمشاعر الجياشه ماهذا الشعور المتدفق والاحساس العالي وبعد ربع ساعه روح شيك على الرسايل الخاصه تلقى مكتوب رساله واحده غير مقروئه روح تلقى الرساله منها مكتوب فيها احرجتني بالرد الرومنسي الرائع وعلشان كذا عطني رقمك اضرب عليها ثقل ساعه وبعدها صكها بالرقم على جبهتهاا


البنت الي مسويه روحها نكتة الموسم :
هذي اصعب نوع من البنات بس ماعليك عندي الحل
اول شي تسويه روح اقراء اقدم موضوع كتبته هي ورد عليها بضحكه فتاكه وبعد سبعه وثلاثين يوم بالضبط ارسل رساله خاصه مكتوب فيها شرايك بالرد الي قبل سبعه وثلاثين يوم راح تنصدم وتقول اي رد قلها طيب كم رقم موبايلك راح تضحك على كلمة موبايلك وتعطيك الرقم


البنت العنيده :
هذي ارسل لها رساله مكتوب فيها الرقم وقلها ياويلك اذا دقيتي علي ههههههه

البنت البطه :
ارسل لها رساله مكتوب فيها اموت بالسمر (تقول براسها دامه يموت بالسمر اكيد ياكل هوى مع المليانه ) وراح ترسل لك رقم صديقتها على اساس انها مسويه تمويه يعني هي ومخها

البنت المقلعه :
قلها ممكن تقولين لي شلون طريقة الاشتراك بالمنتدى وانت مرسل رساله خاصه يعني مشترك وخالص راح تقولك اوكي عطني رقمك وانا ارسل لك كيفية الاشتراك على الايميل


البنت الي عليها زحمه يعني تحس ان اللي بالمنتدى كلهم يبونها :
هذي راح تصير تحدي بينك وبين مليون واحد غيرك وهذي تستمتع وانت ترقمها بس يبيلها اراده قويه ووقت كبير علشان تقدر تخليها ماتشوف بالمنتدى شاب غيرك اول شي تسويه تجاهلها اسبوعين بالضبط يعني علشان تقول شفيه هذا شايف نفسه وبعد اسبوعين شوف اي موضوع لها بقسم همس القوافي ورد عليها كلمات رائعه من فتاه عاديه ( راح تمسك شعرها من القهر وتقول كل اللي بالمنتدى يردون علي صفحات وهذا ووجهه جاي يقولي كلمات رائعه من فتاه عاديه هين اوريه ابو براطم
وراح ترد عليك بكلمة مشكور على مرورك
امسك ردها وحط له نسخ وارسله بالضبط رساله خاصه لها وقولها ردك مابيه بس حطيت الرد على موضوعك علشان اكثر مشاركاتي راح تنجلط وبعد ماتنتهي من الجلطه راح تقول لاهلها قربوا مربط الرسايل مني
وترسل لك رساله مكتوب فيها
انت هيه على شنو شايف نفسك هذا رقمي واذا فيك خير دق علي الحين

البنت الي تحس انها لعابه يعني مترقمه من مليون واحد بالمنتدى :
هذي ارسل لها بطاقة شحن وبعد خمس ثواني من تتأكد من ان رقم البطاقه صحيح راح ترسل لك الرقم وتقول ياهلااا والله يالغالي

البنت التي لاتوجد بالقائمه المذكوره :
اكتب موضوع كامل عنها وخلها ست ايام بالضبط راح تلقى ردها بالعام مشكور اخوي وماقصرت رد عليها بالعام العفو اختي وطنش سبع ايام راح تلقاها تحوم حولك واخر شي تقولك هذا رقمي بس اكتب موضوع ثاني عن خويتي تكفى هههههههه

هلا بالباشا


موضوعك حلو يا باشا



شكرا لك









محبك




الشهاب

تحمل ما يجيك يالباشا من السحالي ؟

للترقيم اصوول
يعطيك العافية يالباشا ... وياويلك ويلاه

هههههههههههههههههههه
ما تعيدها يا الباشا

شوف الي صار بالعمده
صار عبره لمن يعتبر

وأصول الترقيم وضع قواعدها التماسيح
الي ما يستحوا

تحياتي

ريتاج

المفروووض الواحد قبل لايرقم يسوي دراسه حثيثه للمخفه اللي يبغى يرقمها قبل لايتفشل..


وبعدين الترقيم صار سالفته سالفه المسكين يرقم وبعدين يشوف اذا ماعندها جوال يشتري لها جوال واذا ماعندها شريحه يجيب لها شريحه جديده وأخرتها الشحن عليه وتكلمه وتكلم غيره في شريحته واللحين من طلع المخفه ؟؟؟ سوعال يطرح نفسه ......؟؟

ساندريلا