انـــــــــواع النـــــــاس

[poem=font="*6*black*normal*normal" bkcolor="transparent" bkimage="" border="none*4*" type=0 line=0 align=center use=ex num="0*black""]

يابو حسين اسمع لنظـم المقالـي=من خبرتي يااخوك في عالم الناس
ماانته قليل العرف ياابن الحلالـي=عندك فراسة فهم ياطيب السـاس
لكـن ماعشتـه وشفتـه لحـالـي=قررت اصوغه واكتبه فوق قرطاس
احدٍ يجي مثل الذهب بـس يلالـي=واحدٍ يلالي شبـه لكنـه نحـاس
فيهـم كريـمٍ مايـكـن الريـالـي=لوتطلبه يعطيـك مافوقـه لبـاس
منهم تعـده مـن كريـم السبالـي=لكنه يسولف بها لكـل الاجنـاس
احدٍ بحوره طش خلـف الرمالـي=واحدٍ بحوره قاعها كلـه المـاس
منهم يخلي النفس فـوق العلالـي=يموت من جوعه ولاينزل الراس
فيهم الـى جيتـه لذيـذ المقالـي=والى مشيت يلحقك سبعة اخساس
البعـض منهـم غافـلٍ مايبـالـي=والابعضهم كنه الطيـر قرنـاس
احدٍ هبوبه مثـل ريـح الشمالـي=واحدٍ كما ريح المطر خير واوناس
منهـم الـى منـه تكلـم وقالـي=تظن فيـه الخيـر لكـن هـلاس
فيهم كتـوم السـر مالـه مثالـي=وفيهم مصيبه بين الاخوان لساس
منهم فديغ القلـب نطلـة رجالـي=لوقلت له ماقلت معدوم الاحساس
فيهـم رفيـقٍ بالسعـه مايبـالـي=لكن وقت الضيق مايبل الانفـاس
منهم مقامه فـوق بالحيـل عالـي=ومنهم مقامه فود طبله ومـرواس
طق الحجـر ومناقلـه والجبالـي=اخف عندي من مخاوى بعض ناس[/poem]

الشاعر/مسلم عواد العميري،

((محفوظة الحقوق))