العبد طرقيّ ركابه مناكيف

[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البــارحـه بالـنــوم كـنّـى مــوراّ = جا حلــم ليـل يـوم عبّـر ولاشيـــف
اونست هاجـوس على الصــــدر مـــراّ = منـه الفــواد معـلّـق بالمخاطـيـف
وابدى كنيـن الـروح داخــــل وبـرّا =من نقـض مايفتـل وفتــــل بتكليـف
يـارازق اللـى فـى رجــــاك يتحـرّا =من مدّ جــــودك ياوسيـع المحاريـف
ان جـت مــن الله مــا عدو يـضــــرّا =وليا ادبرت قلت دبـــور المصاريـف
مـادون ربـك واحـــد لـك يـســــرّا=للرب حكمـه بالمعـــانـى وتصريــف
قـم يامحمـد سـوّ حـلـو ومـــــــرا =رسم إلى جوك النشامــا هـل الكيـف
مـع منسـف حـول المنـــــاره يجـرّا =واشناق حيل صفوهــــا لـه ذواريـف
واعمـل بخيـر ولا تجــــازى بشـــرّا=وارجى الفرج من عند والى المصاريف
واجهـد بتقـوى الله لـدار المـقــــرا=العبـد طرقـيّ ركـابــــه مناكـيـف
دنيـاك لـو زانـت تراهــــا مـغـرّا =دنيـا خـراب ولا عليهــــا تحاسيـف
فيهـا لبيـب العقـــل مـا يستـغـرّا=لـو امهلـت لابـد رحلــــه وتخفيـف
اخشـع تواضـع لا تكـــبّـر تـــــزرّا=ما شفـت ميـلات الليالـى مراديـــف
ورفيقـك الغــــالـى مـنـه لاتـبـرّا=ادمح خطـــاه اللـى تعبّـث عجاريـف
يشرب معـك صافـى وكـــدر ومـــــرّا=ويرد معك حوض المــنايا الـى عيـف
نــوب تــذرّى بـه ونــوب يـتـــذرّا=عديـل عمـرك باليـالـى الشفاشيــف
جر القلـم واكتـب لنـا اللـى تـورّا=سلام احلـى مـن حليـب المشـــاغيـف
منّى لمــن تابـع هـوى كـــل غـــرّا=شيــخ يروّى بالملاقـى شبـا السيــف
زيـزوم غلبــا كـــل يــوم تـجــرّا=واطرافها تاطـا الغبـا والمشاريـف
ذولـى يســرّحهــن وذولــى تـســـرّا=وذولـى مغيــرات وذولـى مناكيـــف
والـى عـدا باللـى عـدا فيـه غــرّا=بر بع على قحص المهــار المزاغيـف
سلاحهـم شغـل العجــــم والمـجـــرّا=ودهـم الفرنـج مفرّقــات المواليـف
وصلّواعلى المختـار والصحب طــــرّا=ماهبت الانسام مـن رايــح الصيــف[/poem]


[align=center]الشاعر /تركي بن حميد[/align]