من المسوؤل عن جنون اطفالنا ..!!

السلام عليكم ورحمة الله وبركاته

مدري شقول لكم او شلون أبدا كلامي لان الموضوع حساس وادري انه ما راح يسوي شي غير كونه موضوع للنقاش ..!!

الله حطنا في حارهـ قريبه من المطار ( الفيصليه) ومن اقدم سكانها .. تختلف عاداتنا في القيام من النوم عن باقي ابناء الحواري الاخرى ..!!

أقول لكم كيف ..!!

انتم تنامون واذا عندكم اشغال ..تحطون منبه الساعه او الجوال وتصحون عليه ..!

حنا لا ..

ننام على صوت الطائرات المدنيه القادمه الي مطار تبوك .. وبالنسبه لنا اصبح الامر اعتيادي ..لان الطائره المدنيه MD90 او غيرها ..تطير على ارتفاع 38 الف قدم .. وهذا المعروف والمعلوم دولياً ..

لكن البلشه مو هنا ..

الصبااح ما نسمع صوت العصافير تدرون ليه ؟ .. لان صوت الطائرات الحربيه اعلى منها بكثير .. فقسم بالله في هذه اللحظه لكتاتبي للموضع طائرتين من طراز f15 على مستوى منخفض وماتتخيلوا وش صوتها الفضيع ..!!

ياخي هذوول مايحسوون مايخافون ربهم .. والله قبل فتره صارت نفس الحركه وكنت وقتها .. فـ المشب .. وعيال اختي يلعبون بالحوش .. وفجاءهـ صوت الطيارات اللي كل ماباله يقرب .. عرفت انها طائرات عسكريه وما اخفيكم اني اعرف حتى نوعياتها من صوتها .. فجاءه .. صريخ فالحوش .. انا وانا عمري 21 سنه ما قدرت اطلع العيال من (الحوش) تخيلوا من قوة الصوت ..!!

طبعاً راحت الطيارات .. لقيت ولد اختي عمره 3 سنوات يادوبه يمشي يعني .. يبكي وقاعد يخبط راسه بالارض .. والثاني مندس تحت طاوله بالحوش وحاط ايدهـ على اذنه ..!!

طيب بالله عليكم .. وش شعوركم وقتها ... !!

تعتقدون قائد الطائره ضاقت عليه السماء ونازل على التجمعات السكنيه ليه ..؟

ياخي سما ربنا وسيعه اذلف فوق .. !!

للمعلوميه لو اطلع لـ سطح بيتنا .. بأمكاني مشاهدة شعار الملكيه السعوديه .. والترسبات تحت بطن الطائره من اثار الهبوط ..!!

لكم المايك مع مقطع فـ الزيته لتهور طائراتنا .. الطائره (هوك) الاستعراضيه ..

[flash=http://www.youtube.com/v/YM1IwBLzzOk&hl=en&fs=1]WIDTH=350 HEIGHT=350[/flash]