--------------------------------------------------------------------------------
أهل الشمال إحنا هل الخير والشر
من سد حقل ليا مضارب قضاعـه
وأهل الشمال إحنا لنا فعل يذكـر
لو يكذب التاريخ نلـوي ذراعـه
وأهل الشمال إحنا هل الكر والفـر
تاريخنا منقوش ما هـو طباعـه
وأهل الشمال إحنا طعم لحمنا مـر
بالحق نحمي حقنا مـن ضياعـه
وأهل الشمال إحنا كما الحر الأشقر
فينا الكرم والمرجلـه والشجاعـه
وأكبر دليـل إن الشياهيـن تعبـر
في خط هجرتهـا علينـا تباعـه
ما تلفي الأحرار إلا علـى الحـر
والحر عمره مـا يغيـر طباعـه
إن جيتنا بالطيب مسـكٍ وعنبـر
وإن جيتنا بالثانيـه سـم ساعـه
صحيـح إن الفقـر فينـا تكاثـر
مع عـزةٍ بالنفـس فينـا قناعـه
ما ودنا فـي رزق حظـه معثـر
الله ولا رزق يجـي فـي دناعـه
في كف أبو متعب حسـامٍ مشهـر
وحنا سعودييـن سمـعٍ وطاعـه
بقلم الشاعر/ محمد عبيد الزعيم الله يرحمه
اخترت لكم هاذه الرائعه لشاعر المرحوم محمد عبيد البلوي
العرض الشجري