مشاعري تزهق... رساله الى صاحب الرساله

[align=center]لطفا بالقصيدة.. لأن القصيدة عبارة عن كتلة مشاعر مخطي
من يتعامل معها بالكم وليس بالكيف .. بعضنا يستطيع أن يجعلها
رقم من الأرقام ويدخلها في قائمة حساباته ويستطيع ذلك.. بالنسبه لي أنا
لا اجيد هذا الاسلوب وبتعبير أدق .. أنا مشّيم مشاعري ومخلي شيمتها
من شيمة أهلها ..[/align]


[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مشاعري تزهق من الروح وتروح=و تسرى ليا منّه دجى الليل غلّق

وتعود في جوفٍ به الشوق مطروح= عود الزّعول اللّي نوت ماتطلّق

بنت شيخٍ لاغزا يبعد الشوح = ولا دنّقت .. والله على ماتدلّق

أخّمها بصدري من الروح للروح = وأكتب لها مافيه فكري تعلّق

أحيان تحرقني لها جمرة البوح =وأحيان معها طاير الوجد حلّق

وياقلب ياللي من أعماقك تنوح = لاطاح فيك الألم ماتسلّق

كنك وشيك إنّك من ضلوعي تسوح= فلحدن درابك لو خفوقك تفلّق

عدّ القصيد إليا غدى أرقام وشروح = كلن قصيده من شعوره تخلّق

شعرٍ شعور وشعر مافيه مصلوح= وشعرٍ عفيف وشعر شاعر تملّق

وأنا بنيت من القوافي لي صروح= وعزّيت حرفي بنْيته لا أتهّلق

أكتب قصيدي وأجترع لجله جروح= وأسري ليا منه دجى الليل غلّق

و كانه قليل.الفرق بالفرق مدموح= و كانه كثيرٍ.. قيل شاعر تألّق[/poem]

وسلامتكم