الفية استعصت معارضتها على كثير من كبار الشعراء

السلام عليكم ورحمة الله وبركاته



يعرف الكثير منا الفية الشاعـر( ابن عمار ).والتي تعتبرمن عيون الشعر النبطي حيث استعصت معارضتها على كثير من كبار الشعـراء.
تواترت الروايات بأنه من اهالي بلدة ثادق المحمل. حيث دارت احداث قصة مولد تلك القصيدة التي رددتها الاجيال وتغنى بها الكثير.
وبيننا وبين زمن هـذه القصيدة ما يقارب المائتان والخمسون سنة.
الملفت في هـذه الألفية ان لكل حرف منها اربعة ابيات على قافية واحدة ويختم بقافية لجميع الأحرف.

على سبيل المثال يقول في أول ابياتها :






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

ألـف أولــف مــن كــلامٍ نضيـفـي=ودموع عيني فوق خـدي ذريفـي
من لامني فـي حـب ذاك الوليفـي=أدقاق رمش العين سيد الخوندات
خونـدات ياللـي مابـعـد عاشـرّنـه=قـلـه تـراهـن بـالـهـوى يذبـحـنـه
قلـبـي وقـلـبـك يالـمـوّلـع خـذنــه=عزي لمن مثلـي تعـرض الآآفـات[/poem]







[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الباء. بليت بحب خلي على ماش=ولا حصل لي منه مايبرد الجاش
غديت أنـا ويـاه طاسـه ومنقـاش=بالوصف كني يالمعـزي سلامـات
معـزي سلامـات الــذي يذكـرونـه=نبي السلامه منه وإهـي المعونـه
يقـول طيّـب ميـر غـارت عيـونـه=سبـب ولدكـم واحـدٍ صايبـه مـات[/poem]


- احداث القصة كما تناقلها الناس تقول ان ابن عـمـار لم يكن له صلة بالشعـر.
اوانه بحكم وضعه ( مطوع ) لم يكن يعرف عنه نظم القصيد.
كان ملازما للمسجد يقـرأ القران ويأتيه الناس للرقية وما الى ذلك من تلك الامور.
ذات يوم مرت مجموعة من الفتيات ورأينه.فقالت واحدة منهن هـل تتحدينني ان اغويه ؟
فقلن،أوقالن،لها نعم.فـكان الشيطان خيـرعـوين لها.
ذهبت اليه وعرضت نفسها عليه ليرقيها عن مرض بها. وبينما هـو يرقيها
اخذت تبدي شيئا من محاسنها. له بأن تفتح شيئا من صدرها وكأنها تريد بذلك أن يرقيها
وتكررت زياراتها له حتى تمكن منه اهـواها. واخذ يتبعها اذا خرجت من عنده اوعند مرورها
كما في سياق القصيدة حيث يـقـول :





[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الـتـاء. تبـعـت الـزيـن والـزيـن مقـفـي=أمـشـي وحتـفـي ناقـلـه فـــوق كـتـفـي
لاشـفــت مـجــدولٍ وكــتــفٍ وردفــــي=ما أقوى ألتفت لوّ طوحولي بالأصوات
أصــوات لــوّ قـالـوا سـفـيـهٍ وسـايــح=طــــرد الـمـقـفـي للـمـشـقـا فـضــايــح
قلـت أيــه مـيـر أعلومـكـم والنصـايـح=مثـل المطـر فــوق السـحـال المكـفـات [/poem]


توضح الابيات هنا انها انتقلت مع اهلها عن بلدته فأخذ يتوجد عليها ويوصفها




[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

الثاء.. ثمانه حـب رمّـان طايـف=أوّ قحويانٍٍ فـي ريـاضٍ عطايـف
متنـفـلٍ بالـزيـن سـيـد العـفـايـف=عمهوجٍةٍ فيها من الحور شارات
شارات فيها مـن ظبـيّ الحمـادي=هـيّ لـذة الدنيـا وغـايـة مــرادي
من يوم شد صويحبي من بلادي=عليه جاوبت الحمامه بالأصوات [/poem]



ومن سياق القصيدة نفهم انها ارسلت له مكتوبا تسلم عليه فيه كما يقول :




[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الجيم.. جاني من عشيري كلامي=ولا لقيـنـا مـــن يـــرد الـسـلامـي
عليه زرع القلب هايـف وضامـي=مالـي جـدا كـود البكـا والتنـهـات
أنهـت علـى مافاتنـي مـن زمانـي=يـوم الحبيّـب زارنـي فـي مكانـي
وراي ماخذت القضـا يـوم جانـي=توي دريت البيـض فيهّـن غـرات[/poem]



ومن وجده عليها يقول :





[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الحاء.. حليه بالوطـن مـا لقيتـه=عذلـت نفـسـي عـنـه ولا قويـتـه
لويذكرونـه يــمْ مسـكـه نصيـتـه=انصاه لو دوني ودونه مسافـات
مسافات لوهي في بحورالظلامي=او وسـط بنتيـل حــداه الـولامـي
والـى تهيـا لـي بـلـوغ المـرامـي=صبرت لو دشيت بحـر الظلمـات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الخاء.. خليلي صار منـي قريبـي=جعلي نصيبٍ له وهو من نصيبي
ودي أواجـه نـور عينـي حبيـبـي=مير الوحيد أزهيـد مافيـه نوهـات
نوهات نوهاتٍ غدت من غثاالبال=طـول النهـار مسيـم عمّـال بطّـال
وأنـا ترجـا كـل حـولٍ إلـيـا حــال=دنياك هذي ياريّش العين نشبـات [/poem]



ومن الابيات المؤثرة فيها قوله :





[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الدال.. دامـي مامسكـت الذوايـب=لوّ قيل طيّـب قلـت مانـي بطايـب
هاتوا ستـاد القبر..دنـوا نصايـب=دنو دوات الحبـر بكتـب سجـلات
سجلات أريد أكتب بها ليّ وصيّه=عمـري غـدا ياويـل أهلـي علـيّـه
قولوا لصاف الزيـن ياقـف عليّـه=ياكود يعطف وتحسـف لمـا فـات[/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الـذال.. ذالـي عنـه مـدة ليالـي=أن قيل سالي قلت ماني بسالي
والله مايطري على شـف بالـي=ألا أنت ياراع الثمان الرهيفات
رهيفـات فيهـن للموّلـع طرابـه=مجمـول مدلـولٍ ولابـه طنـابـه
ياليت من يدخل معه في ثيابـه=وسج أنا ويـاه بالعمـر سجـات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الــــراء.. ردوف اصـويـحـبـي ثـقـلـنـه=ونــهــود لـلـثــوب الـحــمــر شـلـعـنــه
ولباسـهـا مــا احـلــى بـيـاضـه وفـنــه=من فوق جسم(ن)فيه من عرق الارطاة
ارطـــاة غــرمــول ذرتــــه الــــذ واري=والله لـــولا نـــي عـــن الـتــرف اداري
لاضــوي عليـهـا مـثـل ذيــب الـغـداري=جـايــع وبالـغـابـة عـيـالــه مـجـيـعـات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الزاء..زماني شفت منـه الهوايـل=لاصــار حـظـي بالغنـاديـر مـايــل
الزيـن لـوّ نـتـرك قصـيـرٍ وطـايـل=لاشك وين العقـل هيهـات هيهـات
هيـهـات لــوّ بالعـقـل يــادب لـبـه=مـاكــان يـتـبـع واحـــدٍ مـايـحـبـه
لاصــار قـولـي لــه خـريـطٍ بـدبـه=وش لك بشوفه بالعيون المشقات [/poem]



ويبدو انها في احدى زياراتها له تمنعت كما في هذه الابيات :





[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
السـيـن سـلـمـت الـدراهــم وعـيّــا=واللـي نبـي مـن صاحـبـي ماتهـيّـا
يـقــول والله لـــوّ تــحــب الـثـريــا=خذني على السنه تشوف الطرابات
طرابـات ينسّـنـك جمـيـع الـدروبـي=أغديـك فـي تـالـي حيـاتـك تتـوبـي
واجعـل مقـرك بيـن جلـدي وثوبـي=حتى تشـوف البيـض فيهّـن جنـات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الشين.. شاب الراس ياعذب الأنياب=واللـي برجـوى توبـةٍ ذاك قـد تـاب؟
إلـيـا بـدالـي حـاجـةٍٍ فـافـتـح الـبــاب=يرحـمـنـي الـلــي عـالــمٍ بالخـفـيـات
يرحمنـي أنـي فـيـك يـازيـن مفـتـون=مـن حبـك أسهـر والخلايـق ينامـون
ألهيتنـي عـن مذهـب اللـي يصـلـون=مـاعـاد أمـيّـز لــو قـــران التـحـيـات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الصاد..صيدي يوم ألايم غريمـي=شفقٍ على الحبه ولمس البريمي
ماهـوب صيـدي قلّـةٍٍ بالحريـمـي=لاشك كلٍ له مع النـاس مشهـات
مشهـات مشهاتـي ظبـيٍٍّ فريـدي=حب العرب ينقص وحبه يزيـدي
لاشفت ذاك الزين هو يوم عيدي=تصبح بساتين الضماير مريفـات [/poem]


ذهب لوالدها ليطلب يدها منه ولكن والدها رفض بحكم الاعتبار القبلي.حيث يقول :





[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الضاد...ضـدٍ .حـال بينـي وبيـنـه=يـقــول هـــذا صــانــعٍ ٍ لاتـبـيـنـه
عسـى العمـا يبـلاه بصبـيّ عيـنـه=يسهر ولا يمرح من الليل ساعات
ساعـات جعلـه مايشـوف الجـدارا=ولا يـعـرف اللـيـل هــوّ والنـهـارا
عسـاه يـوم البعـث يبعـث حـمـارا=ويحملونه حمـل الأسـراف سيّـات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الظاء.. ظمان ان من توّلـع بالأثنيـن=لابـــد تـتــرك عـشـرتـه يامسيـكـيـن
ماينجمّـع وسـط المـرابـط حصانـيـن=يجـي لهـن حـوسٍ ودوسٍ وصقـلات
صقـلات يصقـل يــوم دنــوّا طعـامـه=شفـقٍ علـى العيشـه ولاهـي بحـامـه
أسـمــع جـوابــي ياهـبـيـل الـفـدامـه=إليا جمعت الحصن فالحصن خطرات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الطاء..طويت الياس والسد باحي=ماعـاد لـيّ شـفٍ بظبـي البراحـي
لعلـهـا هـفّـت خـفـوق الجـنـاحـي=اللي سبوقه فـوق رجلـه مطـوّات
مطوات طار وراح فـي يـوم هبّـه=راعـيــه لـــوّ رز الـلــوا مايـنـبـه
يتـلا فـروخٍٍ للحـبـاري غــدت بــه=يبغـا العشـا مابيـن فخـذٍ وثـنـدات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
العين.. عن من ينقل الهرج حذراك=تـــراك كـنّــك نــاقــلٍ داك بــــرداك
إليـا سمـع لـه هرجـةٍ مـن حكايـاك=يحطـهـا كـبـر الـقـصـور المـبـنـات
مبنّـات يبنـي مـثـل خـشـم الغـرابـه=ويكـرد المشـروب عـقـب الطـرابـه
وهــو يشـابـه بـومـةٍ فــي خـرابــه=لانـاقـلٍ هـرجـه ولا كـفـو هـرجـات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الغيـن.. غـاب العقـل بـأول شبابـي=وأدميـت مـن تلعـات الأرقـاب نابـي
واليوم شاب الراس والكيـف طابـي=ماني على الفيات كثيـر الحسوفـات
حسوفات لاتندم على اللي غدا منك=أيضا ولا تفرح على اللي يجي منك
مادراك لوّ موجب سبب صدته عنك=ناهيك وليّ العـرش رب السمـاوات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الـفـاء..فــوادك لاتـولــيــه حــســـاد=وحذر يجي لك مع هـل السـوّ مقعـاد
اضحك وخلك عن جميع العرب صاد=ثـم اعتبـر بالذيـب يضـوي بـغـارات
غــرات يضـويـهـا وهـــمْ مـادروبــه=والـلـي يـوقـف بالـحـراوي هـقـوبـه
كــم واحــدٍ وقــف. مـاقـظـا ذنـوبــه=يكسر إليا شـاف اللحـم كنـه أحـدات[/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
القـاف..قـل لـلــي يـزيــد النـوامـيـس=اللـي شفـوقٍٍ للهوى يرخـص الكيـس
إليـا بذلـت النفـس والكـيـس وبلـيـس=يـطـيـح نــــاسٍ يــدعــون الـديـانــات
ديـانـات صـــارت للـخـلايـق عـلاجــه=يلقـا بهـا راع الـهـوى قـضـي حـاجـه
إلـيـا نـثـرت الـحـب جـتــك الـدجـاجـه=حاضت وباضت لوّ تبي عشر بيضات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الكاف كـن السـد فـي كـل الأحـوال=وحفـظ لسـانـك لايقـولـون ذا قــال
حتّى تجي بين العرب خوش رجال=لاجيت بالمجلس نواظرك صقـلات
صقلات لاتامـن مـن اللـي يحاكيـك=وهـو عـدوّك تحسـب انـه يحاكيـك
ياذيب كان الله على الرشـد هاديـك=أكتـم كلامـك بالضـلـوع المحـنـات[/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
واللام..لـيـت العـمـر ينـكـس لحـلّـه=قيـمـة ثلاثـيـن السـنـه فــي مـحـلـه
الـرجـل قـبـل الشـيـب ياحـلـو دلـــه=وان لاح فيه الشيب ما به طرابـات
مـــا بـــه طــرابــات ولا يقـبـلـونـه=لــوّ حــط لــه ردنٍٍ وكـحـل عيـونـه
أهـل الهـوى عقـب الغـلا يكرهـونـه=لو هو مصافيهم على فايت(ن) فات [/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
والميم..مامثلي من النـاس جـرب=ولا مثلـي أحـدٍ فـي زمانـه تطـرب
لاويت صاف اللون فوق المضرب=كـن العـدو عنـي عيونـه مــداوات
مـداوات مـاودي يجـي لـه عـبـاره=واللي يجنب عنك وش لـك بكـاره
الـحـذر مايـاطـا بـوسـط الـخـبـاره=لازم يجـي فيهـا عقـارب وحـيّـات[/poem]





[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
والنـون.. نـام الحـظ مافـيـه حيـلـه=عيّـا يباريـنـي أنــا ازريــت أشيـلـه
مـن يـوم فارقنـي عريـض الجديلـه=قامت تكسر في حشا الصدر عبرات
عبرات ضاقت بـي حنايـا ضلوعـي=علـيـك ياخـلـي حسـيـن الطـبـوعـي
ديـن الـوجـع مـاقـط كـفـن دمـوعـي=دايـم عيونـي فـي مراعـاك سهـرات [/poem]



وهذه الابيات يصف فيها (راعي الهوى) بعد تقدم السن به :





[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الواو.. ويل أهل الهوى من هواهم=أن كـان هالـي قـد وطانـي وطاهـم
كـم ليلـةٍ يصـبـح غبـيـبٍ عشـاهـم=إلاّ لقيـمـاتٍ عـلــى الـكـبـد مـــرات
مرّات لين ابـرد مـن التـرف شفـي=ووسـده عـضـدي وزنــدي وكـفـي
وأشـهـر بـحـبـه بـايــنٍٍ ومتـخـفـي=ثــمٍ يـجـي لـلـزاد والـشـرب لــذات[/poem]






[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
والهاء.. هـواى العاشـره يافطينـي=والسابعـه ياللـي تعـرف الرطيـنـي
كـامـيـه مـــاودي لـضــدي يبـيـنـي=والخامسه ماتنحصا عداد الأميات؟
أميـات مـات القلـب كـم كثـر همـي=أشكـي عليـك الحـال يـاولـد عـمـي
أنتـه عظيـدي وأنـت لحمـي ودمـي=ترضـاه يجفانـي ولانــي بمجـفـات [/poem]





[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الياء.. يولّع في ضميري حريقه=أذكر شرابـي مـن قراطيـع ريقـه
وهـز نبنـوب الغصـون الوريقـه=في عرض بستانٍٍ روايا ولدنات
لدنـات نسنـاس الهبايـب يديـره=واللـي تولّـع بـه حبالـه قصيـره
ماضن يبرد واهـجٍ فـي ضميـره=ألا علـى سلسـال ذيـك الشفيّـات[/poem]



ساءت حالته بعد ذلك ويقال انه أخذ يهيم على وجهه في الشوارع ويـردد هـذه القصيدة وهـو يضع (خيشه) على رأسه حيث اوردت بعض الروايات ان الباس اصبحو يعرفونه بابوخيشة.!!!
وتعددت الروايات بذلك.. وأيا كانت فليست مهمة فمضمون القصة تورده لنا تلك القصيدة التي خـلدها التاريخ بما فيها من وجــد وحـكمة ووصف وجـزالـة فـي المعـاني.

رحـمـك الله يا بـن عـمــار ..

ابواسيل

تسلم اخى على هذا التوضيح لا لفية ابن عمار رحمه الله

وتقبل تحياتى

[ALIGN=CENTER][TABLE1="width:95%;"][CELL="filter:;"][ALIGN=center]وقد تغنى بها الكثير من الفنانين

وقد تسبب غناءها بشهرة الفنان الشعبي سالم الحويل

وقد تغنى بها المرحوم عاشق الصحراء-محمد مرزوق

شكرا لك على النقل الجميل وهناك 0كثير من قصص العشق


والعشاق ضحيه لما يسمى بالعرف القبلي؟؟؟؟؟؟؟[/ALIGN][/CELL][/TABLE1][/ALIGN]

ابو اسيل الله يعطيك العافية على التفصيل الجميل للقصيدة
رحمك الله يا ابن عمار

ابو هيثم

نديم الشمال

السفير2


شكراا لمروركم وردكم الجميل

تحياتي لكم

ابو أسيل

يعطيك العافية على نقل هذه الرائعة

لأبن عمار

أختيار موفق والله يوفقك



دمت بود

كل الشكر لك اخي ابو اسيل

على نقل الالفية الرائعة


لك تقديري وتحياتي .

لك خالص شكري وتقديري يا ابواسيل على النقل الموفق للقصه والقصيده الرائعه

عبدالله الموسي

ابن الفخر

النجم طليان المرادي

من كل قلبي اشكر مروركم

وردودكم لاعدمتكم

تحياتي لكم