سفير النوايا الطيبة يا سفير الروح
لك الله ثلاث سنين ما شفت جرتها
جروح الزمن تنزف على قلبي المجروح
مسلسل حزن قطرات دمه بطولتها
عيوني يباريها السهر والسهر مفضوح
غياب البراعم مل من طول غيبتها
آلامس شفايا الغيم من رقة الطحطوح
عويد الآرآك ودلعنة اقحوانتها
نسيم الشراه ان عانقك يا زهور الدوح
اعانق فضا الشامات في صبح وجنتها
مطار خيول الحرب لا همهم المضبوح
وتلاعج سيوف العز في ليل غرتها
تغنج كلامك ياعسل صوتها المبحوح
ترنم حروف الحب نايات بحتها
تربع على انفاس القصايد إلين تفوح
ورود الخزامى وانتشي طيب ريحتها
علام الحمام الراعبي للفراق ينوح
يسوجع حزن ولى لحونه مفوتها
سديم السحاب اللي سقا قلبي المذبوح
هطول الكرز وأشهى نواوير توتتها
مدامك هنا ما همني وش كتبه اللوح
إلهي كتب عمري وقدر غلاوتها
تعالي دخيل الغيبه اللي تهد البوح
عسى الليالي تنقطع من قطاعتها
أناجي سحاب الوسم في خدك المملوح
كأني حماده ترتجي قطر غيمتها
عيوني يرنحها الدمع يا سفينة نوح
ترنح خمور الريق لا ذقت خمرتها
تدلى عناقيد الوله والعذوق تلوح
الا دمجت الساقين من طهر مشيتها
أسيب الهوى واقف وانا بابك المفتوح
متى لمة العشاق تبسط مخدتها
أخاف الهوى ضحك وسوالف تمر مزوح
تماري على قلب الفتى من حلاوتها
انا كيف ادور للوفا والغياب سفوح
ثلوج الغرام تذوب وتبان كذبتها
ادور على لحظة دفا ما تجي وتروح
لقيت القلوب البارده مع بلادتها
آوادم ولكن بالوفا مالهم مصلوح
وانا احترت في نص الآوادم وطينتها
اعاتب عيون الليل حتى يفج الضوح
واقلب مفاويحي على حر رمضتها
لعمر الهوى ما يطلق عنانك المكبوح
رخيت العنان وقلت ترجع بشيمتها
أثاري الغلا وده محنَك يبو ممدوح
يعسفه مثل مهره تغلى بصهلتها
يقولون لا تبكي أسى دمعك المشفوح
واقول الدموع ارحم ولا آبي جمالتها
حرام الوفا يبني مناير وبيض صروح
طيور الحرار تزين من زين ريشتها
ولا دمعي الازرق ولا دمي المسفوح
يعبر عن احساسي الا شفت طلتها
علي الحلال ان القصايد غذاء الروح
ولولا قصيدي كنت ميت بغيبتها
سفير النوايا الطيبه
العرض العادي
