وش ذنب القُبل

يا ليتني ما ارخيت لك طرف الحبل ’’’ غلطان اذا حطيت لك اي اعتبار
ما عاد فيها حب لا بعد وقبل ’’’ ولا عاد فيها اسئلة وين القرار؟

حاولت اعيد الحب في شتى السبل ’’’ لقيت قلبك للإسف كومة حجار
يا لا يمين الحب وش ذنب القبل ’’’ ماكل قبله تنهدى تعني انتصار

غيمة شفايف بس ما عادت تبل ’’’ لا بللت عدنان ولا معد ونزار
بيني وبينك صارت الدعوه هبل ’’’ الخط ساخن والحبايب انتظار


صحيح انه فارع الطول يهبل ,,, يمشي ولاتدري ترف ولى وقار
من اجل خلدا واهلها جيت ازعبل ’’’ بس البدو دايم يحبون السمار

يوم(ن) شريت الورد بيديني ذبل ’’’ وانا تحرى وسط صالات المطار
يوم انها راحت على هاك الشبل ’’’ ضيع معاشه لجل سيارة إجار

من عقب هالددتسن ركبنا لك اوبل ’’’ وصرنا انتكشخ يابنيه بختصار
ترى إله الحب هو نفسه هبل ’’’والفرق يبقى لا ضرر او لا ضرار

متهزني ريحك وانا دايم جبل ’’’ لا تهدديني بسلحة حب الدمار
ماني مصدق!! ليه؟ قالولك خبل ’’’ أصدقك وارجع الى نفس المسار

تبطين ارجعلك وانا راع الابل ’’’ اصلا ً انا خلقا على اسمي اغار
ماتدري اني لا بغيت ادبل دبل ’’’ بس عادتي ما حب تجريح الصغار

اليا بذلتي الطيب اعطيتك نبل ’’’ وتدرين انه ما على حبي اغبار
اليا صدقتي جاتك مزوني وبل ’’’ وانا احب الصدق لو دربه يسار

نصف العرب يابنت يجمعهم طبل ’’’ والنصف الآخر إسم لكن مستعار