ياللي زعلت ازعل ولاني بمرضيك
اشرب كدر ماي البحر كانه ارضاك
لا تحسب اني عقب صدك بداريك
بعز نفسي عنك مدراك مدراك
اربع سنين و انا متحمل تغليك
راضي بتعذيبك لاجل قلب اغلاك
وخليتني واليوم والله لاخليك
وادوس قلبي لينه يقول خلاك
قبل توريني الحسايف بوريك
ليما يقال فلان هانك ووراك
كانك تحداني فانا اقبل تحديك
وانسى الغرام اللي مضى واتحداك
ماني بقايلك عسى الله يخليك
الله يحرمك كل ماكان هناك
عسى العمى ياخاين العهد يعميك
فوق الغرور اللي عن الماضي اعماك
وعسى ماتسمع قريب يناديك
حيثك تجاهل صوت محروم ناداك
وعسى الشلل يعوق رجل تمشيك
لينك تندم ليش غيرت ممشاك
وعسى حياتك بس فرحه لشانيك
يلقى بها الفرصه عدوك ويشناك
وعس الليالي اللي تجيني بطاريك
يصبح عليها الصبح وتموت طرياك
وعسى المنام وكل راحه تجافيك
امين حتى اللي تمناه يجفاك
وعساك ماتفرح وتكثر بلاويك
وامك تشق الجيب من عظم بلواك
ولامت جعلك في جهنم تصاليك
نار الجحيم ونار دنياك تصليك
الله يكرّه فيك حتى دوانيك
غشاش خاين من من الناس داناك
هذي النهايه روح والله يجازيك
امسك ويومك عنهم الغد يجزاك
الشاعر المبدع / طلال السعيد
رائعة من روائع الشعر النبطي
العرض الشجري