العمر والايام ملحوقه
بكره يبان الصبح وشروقه
يا حمحمت طيف الشعر فيني
تشبه عديم الطير واسبوقه
الشعرمثل القاع والغيمه
اللي اجذبتني ضحكة بروقه
الشعر مثل الخبت لا نوّر
ينبت مع الريضان زملوقه
الشعر فيني سلطنة حاكم
له كبرياء ٍ عذب منطوقه
والوقت ماله حال متقلب
فيه العسل والمر بتذوقه
والآدمي يمشي على الجرّه
يردها ويقول مفهوقه
ما يقتنع إلاّ بهالاشيا
سياسته ع الارض محروقه
يطرد ورى الآمال من حوله
يا مسقي الظميان واعروقه
آدم أبونا وامّنا حوّى
تفّاحته قد سببت عوقه
لو عادنا هاللحين بالجنّه
كل ٍ على كاسه ومعشوقه
لكن نزلنا والغلط فادح
نطرب على الموال وطروقه
جينا بليّا ذنب للدنيا
ضحكاتنا لا شك مسروقه
بقعه طوتنا طوية الخرسا
قربه تصب الحزن مخزوقه
كم واحد ٍ يلهث ورى الدنيا
زوّد ظما كبده ومعلوقه
واحد ٍ يقول امصافحه أولى
والسالفه يا ناس موثوقه
كل ٍ يشوف الناس في طبعه
والناس مثل الحب مدقوقه
واقول هالساعه لها ساعه
من نفخة اسرافيل في بوقه
ماني بلا مشرك ولا كافر
مؤمن بإن الله ما فوقه
والوقت هو الوقت ماسبّه
لكن اقارن واخذ فروقه
مرتاح لني واثق الخطوه
لي خطوة ٍ ماهيب مسبوقه
ماجيت انعي يا قدر حظي
ولى اقول الجيب مشقوقه
كل البشر فالارض خسرانه
يوم ابن آدم طايح ٍ سوقه
الجرح في الانسان متمكن
يا لوعة المجروح وفتوقه
عيشة كبد واحزان ما تحصى
والادمي ما يامن البوقه
دام الاماني ما تحققنا
محد ٍ مشى للدرب وارفوقه
ولو النعم تنقع براعيها
أشهد كلا من تحته وفوقه
الله عطانا العقل والحكمه
والنفس هي حره ومعتوقه
احد ٍ عمل صالح بهالدنيا
واحد ٍ فتح للشر صندوقه
داله ولا يدري عن القبله
واختار هالممشى على ذوقه
له لحية ٍ تقليد ومنافق
اليا كلا ما تشبع شدوقه
يفتي ولا يغسل على يده
خلّط حقوق الناس بحقوقه
من خطوة ٍ للظلم يمشيها
ياكل معاها الحق وعذوقه
يا ظالم ٍ نفسك ولك ساعه
بكره يبان الصبح واشروقه
قربه مخزوقه
العرض العادي
