ان ملقحت ياخوك ما ضرها الفحل
العمر فرصه فغتنمها ونولها
أكبر مثال ٍ للتعاون هو النحل
يجمع عسله من الجبال ويطولها
وألد خصم يجيك في طينه الضحل
وده يزابي هالرياض وفصولها
ما يدًهر خبت ٍ إلى تعاقب المحل
وشحت مرازيم السحب في هطولها
ناس ٍ صعب جدا ً تجمل لها بحل
تعطي ولا تبخص مدارك حلولها
وناس ٍ يسع بصدورها القاع والدحل
تكظ غيظ القلب من من طيب قولها
ودفع البلا رجل ٍ عيونه من القحل
ما تورق غصونه ولا هوب حولها
وش جيب الزهره الى كوكبة زحل
وش عقل الفاطر وقفى ذلولها
الهم لامنه فشى حيل واستحل
وثقلت على الرجال اصغر حمولها
وجه الى الله دعوة الستر وارتحل
عل وعسى ربك يبلغ وصولها
دنياك عين وتسحر الناس بالكحل
والنفس ما يشبع معاها ميولها
اللص يافالح الى جاك وانتحل
شخصيتك ياخوووك صعب ٍ دخولها
اشبح الى العليا ولا همك الوحل
ترى القمم ما كل رجل ٍ يطولها
ان ما القحت ما ضرها الفحل
العرض العادي
