الزيزفون

كل ما شميت ريح الزيزفون
انتشي سحر العيون المخجله

وكل ما هلت هماليل المزون
شفت نورك بالليال المقبله

والقصيد السنفواني غير لون
وانت في صدر القصايد قنبله

ما يرقع هالخطط هالبنتاجون
ضعف مالي وازمة(ن) متهلهله

ما يبيله غير مدفع ميسلون
وانهيار الحزب بآخر سلسله

ياغرور الورد يا عذب الشجون
يا قوارير البنفسج والوله

يا سفرجل قد تفنجل بالصحون
من رحيق الاله والفلله

هدهداتك بين رمشك والجفون
انكسار الجوع عند السنبله

مر شيحك به مذاق اليانسون
من اريج السدر ولى الصندله

والتفاتك فيه من ريب المنون
وانثناء الرمش قوس ومنقله

كل شي(ن) فيه يبعث للسكون
سوسنه في طوسنه في هلهله

عندليب الصبح وآيات اللحون
والشروق اللي يبشر باوله

والشعاع اللي بوجه المؤمنون
والخيول المسرجه والمرسله

اقسم انك ما تقل وما تهون
لو تلف الكون هذا باكمله

ان حكيت امون ما ظني بمون
خوف تجبرني الحروف المهمله

مسألة اني اكون ولا اكون
والتحدي هو اساس المسأله

ما قدرت الا اكلم هالغصون
وما سمعني غير لحن البلبله

وما احب الشك واشباح الظنون
ولا عرفت التمتمه والبلبله

يا جبال الالب يا حد الجنون
ذي عروق القلب فيك امغلغله

كن فيك الفرعنه ولى المجون
والطغا اللي قام ما اتخيله

لو تبعثر كل نظرات العيون
اذكر الله واعتزي فالبسمله

والله ان الصعب شيد لك ركون
وكل شي(ن) لو تبيه اتقبله

اجبرك ما اجبرك؟ توفي وتخون
ولا ابي افتح معاك الاسئله

توق قلبك في فضاءات السكون
توق طفله عند اهلها امدلله

جيت ودي منك الدفء الحنون
مير ثلجك بهدله في بهدله

ما ادور شي ولا هم يحزنون
بس قلبي ما لقى من يدهله

اشعلك واتنشقك مسك ودخون
واشربك من فوح دله مهيله

الشموخ اللي بقمة قاسيون
والغروب اللي جلست اتأمله

انت صوره بس مدري لمن تكون
وانصياعي لا تحسبه مشكله

وكل ما شميت ريح الزيزفون
قمت اتمتم في حروف الزلزله

يعطيك الف العافيه
على الطرح الشيق
تقبل مروري
تحيااااااااااااااااااتي