مرثية المرحوم ( سالم بن فريج الهطيعي رحمه الله )

هذه قصيده ( مرثيه ) كتبتها في ابن العم المرحوم ( سالم بن فريج الهطيعي ) رحمه الله أقول فيها :












[poem=font=",6,black,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
البارحه والناس هجـّاع ورقود=والعين مايطري عليها الرقودي

ولاظنتي يطري على العين ويعود=والله مالوم النوم لو مايعودي

وياونة ٍ ونيتها بقلب ملهود=ونه تروف الها العرب واليهودي

ولا كما ونة غريب ٍ ومضهود=مظلوم وحطوا في يديه القيودي

باسباب علم ٍ جا لنا فيه مقرود=عليّ وقعه مثل وقع الرعودي

يقول ابو مشهور في حكم مفقود=يبكن عليه ملثمات الخدودي

اليوم في قبره ولاعنه منشود=في حفرة ٍ ماهو عليها امحسودي

مرحوم ياشيخ الثقيلات والجود=شيخ ٍ على الهقوات يرقى سنودي

مشهود له بالطيب والعالم شهود=الناس تشهد والفعايل شهودي

شيخ ٍ ليامن ثار عج ٍ وبارود=ماهو من الي بالمواقف شرودي

جاه القضى والعمر محصى ومعدود=على الفتى من غير نقص ٍ وزودي

يوم الثلوث الصبح في مجلس حمود=ويوم الثلوث العصر بطن اللحودي

لاشك أمر الله ولاهو بمردود=وكثر البكا لاشك مافيه فودي

ويالله انا طالبك ياخير معبود=يالي على شانك صلاتي وسجودي

تغفر له الزلات في مرتع الدود=وانت الكريم الي لخلقه ودودي

هذا وصلى الله عدد مايبس عود=واعداد ماهب الهوى بالنفودي

على النبي المصطفى خير مولود=امحمد المختار موفي العهودي
[/poem]