لو يشتكي ـالمظلوم ويش يدينه

قصيدة يرويها مظلوم إقرؤها وعطوني آرائكم

لو يشتكي المظلوم وش في يدينه
من يرحمه لاهلت عيونه دموع

من يسمعه لي باح خافي كنينه
من هو يرد القلب لاصار منزوع

مهما شكى قلبه وعقله وعينه
شكواه ماتنفع ولاهو بمسموع

الله على كثرة همومه يعينه
قلبه غدا في روضة الهم مزروع

زرعه ذبل من قبل وقته وحينه
صارت حياته هم وأحزان ووجوع

يوم إنقطع حبل الرجا في يمينه
يسحب ولكن حبل رجواه مقطوع

ماعاد باقي كود ذكرى حنينه
في خافق برق الرجا عنه ممنوع

هذي معاناة القلوب الحزينة
مثلي أنا لاصحت ماني بمسموع