يا الاردن احبك من الحد للحد
واعشق ترابك يا بعد كل الاقطار
حبك من الله داخل الروح ممتد
من جابر ٍ حتى عميره وعمّار
اصورك بالعين من وين مالد
واشوفك معي في كل رحلة وتذكار
وعبدالله الثاني له الحب والود
سياسته ورث ٍ من الوالد البار
احسين اخو بسمه يشد الفخر شد
عقل ٍ مدبّر فاهم ٍ كل الاشوار
يرحم حسين الطيب والعز والمجد
ويا جعْل قبره روضة ٍ فوقه ازهار
يا ملْك يا انسان يا مخلص العهد
انت الاب الروحي لنا يبن الاخيار
يلي رحمت الدمع لا سال بالخد
وتمسح على روس اليتامى والاصغار
وانتا هديب الشام يا معرب الجد
يالهيلعي يا القرم يا واف الاشبار
يا واثق الخطوه ويا باني الغد
يا سيّد الحكمه ويا طيّب الكار
كل الوطن يا سيدي يارد العِد
يبن الملوك امعسفة كل الامهار
جيشك تحزم للثنادي ومشتد
هم سعد عينك يوم زوغات الابصار
ارجال حرب ولا حشا يوم ترتد
لا ساقوا الفجال مع شبة النار
يا مستتب الامن من غاد للسد
ساد الوطن كله من يمين ويسار
منارة التعليم وتجود واتسد
من كل علم وفن وآداب واخبار
والطرق مهدها على اجنابها ورد
شوف التجاره والصناعه والاثمار
الفضل لله ربنا يا لك الحمد
ويالله تعز الدار بقدوم الامطار
عزالله ان المجد يبني لنا مجد
وانتا سليل المجد في سر واجهار
نرفعلك البيضا على الشاهق الند
اما طويل اشهاق ولا جبل شار
خلي شرايين الحواسيد تنسد
واعصاب اعداء الوطن غصب تنهار
لا بارك الله بآهل الغدر والحقد
طاح الوجه وتكّشفت كل الادوار
فيهم مرض نفسي وفيهم وبا الكبد
بالليل تسري تنقل علوم واخبار
والحر يا دسمان ياخذ الى هد
وابو حقب لا هد ما هوب صقار
ولى انت يا مولاي يا مدهل المد
جعلك ذخر للدار يا نسل الاحرار
ماني مدور مصلحه وابسط اليد
عارف كثير نفوسهم تعشق العار
من جيت للدنيا وانا حيل منحد
اقول حق ولشتم اطوال الاعمار
ومعان هي معان لطامة الضد
راس السنام العود لاصار ماصار
تلقى هل الجردا على الكيف والقد
اللي يوسعون البنايد مع الطار
حنا هل البارود ومزبرط الحد
كسابة الناموس حمّاية الجار
نكْرم حجيج البيت وانمدها مد
ومنا الولد مطنوخ والعود بيطار
وسلم ع بوتايه وبن فايز انعد
امن الشيوخ اللي على قب الاكوار
وباقي العرب فيهم رجال وفعل جد
هذا ولد دار ٍ وهذا ولد جار
ماهي سوالف كذب يمدور الجِد
حنا هل الاردن هل الطيب والكار
يا رب وفقنا الى الخير والرشد
وآمن علينا الدار من كل الاخطار
من الحد للحد
العرض الشجري