صرخت الجهاد
*******
بتاريخ 13 / 8 / 1990 م
صاح الحسين اتحضرو ساعة الهوش= والكل يحضر بندقــه مع زهابــــه
للي لفانا في اســاااااطيـــل وجيـــوش = غازي لفى على بلادنا ويش جابه
ماهي صداقه مير طمعان بقــــــروش = وراعي الحرم ..... وفتح ابوابه
واهل الخليـــج الكل خايف ومربــــوش= مثل القطيــع اللي غشته الذيابــه
ونصر العرب على تاج صدام منقـوش = والنصر بامر الله وحنـا اسبابـــه
ياهل الخليج اتوحـــدو واطردو بـوش= واقضو على ...... وباقي اذنابه
هذه الابيات من قصيده قالها الشاعر الاردني (احمد البدور الشوبكي)
اثناء حرب الخليج وللاسف انه كتب باسلوب الهمجيه واتهامات باطله
ضد شعوب وحكام الخليج وعلى راسهم الملك فهد وبطبيعت الحال رد
(ابو محيسن )على (الشوبكي)ولعدم الاحراج اذكر بعض ماقال (ابو محيسن)
**************************
(ياللي تريد الهوش حنا هل الهوش)
*************
لولا خطا صــدام ماحدٍ طلب بــــوش= واللي وقف واللي مشى في مسـاره
شكّل عصابه كلها لصوص ووحوش = اللي حشد جيشــه على بيت جــاره
من بلعته كنه من الســم منهــــــوش = يقبـل ويقفـي والنتيجـه خســـــاره
وياللي تريد الهوش حنا هل الهــوش = حنا لهــا لاولــع الحــرب نــــــاره
سوق البغال ونوشهن بالعصى نـوش = يالشوبكــي مالك ومال النمـــــاره
البس ملابس حرمتك داخل الحـــوش = والبس خواتمهــا وحط الســواره
(شاعر العمران)
ملاحظه:قصيدة الشوبكي انتشرة كامله بمنطقة تبوك في تلك الفتره
والاداراة الامنيه على اطلاع كامل بالقصيده والرد ..
(ياللي تريد الهوش حنا هل الهوش)
العرض الشجري