[frame="1 90"]
[poem=font=",6,red,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
بيت الشعر ماله حلى بالعماره = ولاله مزاج إلى انقفل دونه الباب
وسط البلد بنيه عليكم خساره = يضيع طبعه ياعريبين الأنساب
مبناه في روضاً تزايد خضاره = ممطور توه وازهرت فيه الأعشاب
تفرح لشوفه ان لفيته زياره = مفتوح بابه للأقارب والأجناب
أخير عندي من حياة الحضاره = اللي مطالبها كثيرات واصعاب
[/poem]
الشاعر / أحمد عيد الطقطقي
رد عليه الشاعر / سالم بن عيد الموسي بهذه الأبيات:-
[poem=font=",6,blue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أحمد قصد والقلب زاد افتراره = ومسجل معناه باحساب وكتاب
والمخ من معناه ولع شراره = يوم أذكر المسيار لأقراب واصحاب
في شق بيتٍ مبتني بالقراره = من زين طبعه للأجاويد جذاب
ماهو كما اللي مبتني وسط حاره = اللي ضيوفه يحترو فكت الباب
ياما على العسمان طال انتظاره = لاموديٍ طول أنتظاره ولا جاب
بيت الشعر لوكان مابه مناره = يسوى بلد في ليلةٍ نورها غاب
دق الهوند وصاحب الكيف زاره = في دلةٍ يفرح لها كل شراب
مع صبت الفنجال مهي قطاره = لاشافها النعسان له خاطرٍ طاب
هي منوت اللي مبعدٍ عن دياره = اللي لحق له ذاهبه عقب مطلاب
[/poem]
[/frame]
بيت الشعر
العرض العادي
