أحلى صباح اتفتّح العين وتشوف
بدر البدور اللي تسرّح شعرها
بين الدلع والذوق والشوق والنوف
متفرعن ٍ نوارها من زهرها
مدليّه منها عناقيد وقطوف
ندى قوارير البنفسج غمرها
وترنمت نايات الابيات بحروف
والريح في واد الشوارد نثرها
على الطعوس اللي تقل ردف نفنوف
تمشي بهون وعزّها في اثرها
امحنات كف ولا لمس كفّها كفوف
والثامها الرملي مغيره سترها
النرجسيه وافية طبع و وصوف
والاقحوان الورد ريحة ثغرها
لحن البراءه وين مالدّ معزوف
انشودة اللحن الاخير بوترها
هي تاج راس الحسن لاقيل موصوف
وآهيم في سود العيون وحورها
يا رمشها اللي تنكسر عنده اسيوف
وحجاجها النوني سبا من نظرها
انا عليها ظبية العين ملهوف
اللي سقت كبدي بشاير مطرها
حتى سجايا الروح قد جالها لوف
لوف المسافر يوم يوم حنّ وذكرها
اسطورة العشق المنقّى من الجوف
اطلالة الصبح الملاكي سفرها
الناعمه , الفاتنه , حوّارة الشوف
المشرقه , الباهيه , في نحرها
مدري تعضّ اشفاتها سحر او خوف
التوت يجرحها وتنثر دررها
وانا على الشباك وآقول يا أوف
العين دار الزين لله درها
العين دار الزين لله درها
العين دار الزين لله درها
العين دار الزين لله درها
العين دار الزين لله درها
العين دار الزين لله درها
العين دار الزين لله درها
العين دار الزين
العرض الشجري