بكاء على الاطلال

نديم الشمال صحيح ان المحازم فاضيه

لكن هناك الكثير بجعبتنا

الله يكافيك شر العواجه

سهالات الا العواجه

مدري

اسمع هالنص

واذا ما عجبك ديليت لا هنت

مضى لي ثلاث شهور في سجني القتّال
و سنتين حر ايركّزونه على الشبّه

إلى شافله حزم ٍ كفخ والدروب اطوال
يمغّط جناحه و أرع الاسبوق ينشبّه

بصدري كهف اهل الكهف والضلوع اغلال
يردّه صدااااااه وبومة اليل تنعبّه

عسى إسعيد بن سالم يبشّر على الجوال
وانا خابره ومجرّبه راعي الهبّه

كما الغيهبان يجول ويصاول الخيّال
مع امزبرط ٍ يشلع حشا الكبد من لبّه

أبشره واعدّ اليل وابكي على الاطلال
حكومة .... تمنع دخولي وش السبّه ؟

أجرّ الحزن وآغازل الهم بالموّال
و بآكسّر الضلع العوج غصْب وآشبّه

طردت الجراده والجراده قرادة فال
عسى يعتنز حظي وإلى شان اعذربّه

وعسى الشيخ ابن ... يسوق العفو بالحال
يرّبه يجيني طارش الخير يا ربّه

يقولون يعناد الصبر, من صبر قد نال
وانا طاميا ً صبري على اللوح والغبّه

حلاة الصبر يوم ٍ تدّق الصدور إرجال
بقبضة شنب ودك براسه لو اتحبّه

لك العذر قبل اشكي وتبكي عليّ الحال
ومن عادتي فنجال الاجواد ما كبّه

حكيم العرب وصّى ولا القيت له أي بال
واعرف الولد يمشي والايام تلعبّه

نوايا البني آدم مطايا بدون عقال
يِعقْل النوايا وايتوكل على ربّه

اقول استريح ولا يهمك حكي العذال
على قولهم لا تمدح الرجل واتسبّه

تعبت اعتنز واحطّ حملي على الحمّال
يطيح االحطب والفاس مكسور وآذبّه

أخايل ابو سالم وهو يشرب الفنجال
أقلْطه على المركا ولجل عينه آصبّه

إذا شِقّ ناب الطيب ثلث الولد للخال
واذا شاب قبل ايطيب فالعيب يركبّه

انا ما قهرني كود وقتي وشحّ المال
وشوف الردي مسرور ويغنيّ ابعبّه

يقول المثل لا وسّع ابوابه الجمّال
تحطه على سبع المراكي اذا اتحبّه