تبوك الورد

يا فرحتي وينك ترى جوّنا غير
ويا همّ لحظة لو تكرّمت فارق
لو إن في قلبي للأحزان تأثير
بس المزاج أكيد ها الحين فارق
لا يا تبوك الورد صبح التباشير
من قلب في حبك متيّم وغارق
فيك القصيد يزين ويضيع ويحير
نجمك تعلّى فوق كل البيارق
صحيح جوّك بارد ويقتل الطير
لكن غصنك دوم بالخير وارق
وحضنك دفاء لقلوب كل المسايير
وقلبك غدى لقلوبنا اليوم سارق
كنّك عروس وشوقوها الجماهير
وقامت تبسّم والثنايا تبارق
تبوك وصفك فوق كل المعايير
وصفك خيالي شيء مدهش وخارق
العشق ما يحتاج وصفن وتصوير
والشوق يمّك أح ْملعون حارق
واليوم جوّك غير وإطلالتك غير
نورك على كل الميادين شارق
مادام ثغرك شَرْب من وابل الخير
وخصرك تمايل بين راعد وبارق
في كل صبح وليل وبحزة عصير
جعل المطر يسقيك يا أم الفوارق


دانة شمال المملكة حبها غير تبوك الورد