يا مغرمه في لبسة الفاضح المستور
مدري هوس ولى اتيكيت بارونه
عارف اعطورك غير ماهن اي اعطور
وادري بنات الفقر ما هم بيشرونه
صحيح فستانك خلق ريشة العصفور
توي دريت الموضه انهم يجرونه
وادري بان العز حصري على المغرور
والعز له ناسه وناسه يبرونه
ادري بانك بنت عز ٍ وبنت قصور
وابوووتس لجل المال ربعه يمرونه
وادري حياتك تنتهي لشوفة الصرصور
لا صار في مثله مزاجك يحرونه
وادري منامك غير لونه من البلور
وجنبه دباديب ٍ وارانب يطرونه
بنت الثراء الفاحش الطاغي المغمور
قارون مات وجابك الوقت قارونه
خلني بحالي ما ابي طيحة المحذور
وان مات قلبي كل ربعي يوارونه
فقير وافراشي ع قدي وانا مستور
أخير من رجل ٍ غسيله يشرونه
مرتاح واعصابي مروقه لآخر دور
دوري على غيري يبي حب بارونه
مدري هوس ولى اتيكيت بارونه
العرض العادي
